Հայաստանի Մէջ Նուազած Է Մինչեւ 18 Տարեկան Աղջիկներու Ամուսնութեան Ցուցանիշը. ՄԱԿ

Յառաջիկայ տասնամեակին 142 միլիոն աղջիկներ կրնան ամուսնանալ մինչեւ 18 տարեկանը եւ թէեւ այդ երեւոյթը նուազեցնելու ջանքերուն` երեխաներու ամուսնութեան յաճախականութիւնը վերջին տասնամեակին մնացած է նոյնը: Այս մասին կ’ահազանգէ ՄԱԿ-ը իր «Չափազանց վաղաժամ ամուսնութիւններ. վերջ դնել երեխաներու ամուսնութեանե վերնագրուած զեկոյցին մէջ, որ հրապարակուած է ՄԱԿ-ի Բնակչութեան հիմնադրամին (ՄԱԲՀ) կողմէն այսօր` «Աղջիկ երեխայի անդրանիկ միջազգային օրըե:

Համաձայն փաստաթուղթին, եթէ ներկայ միտումները շարունակուին, ապա մինչեւ 2030-ին իւրաքանչիւր տարի ամուսնացող մանկահասակ հարսնցուներու թիւը 2010-ին 14.2 միլիոնէն հասած պիտի ըլլայ 15.1 միլիոնի` աճելով աւելի քան 14%-ով:

Զեկոյցին մէջ կը նշուի նաեւ, որ թէեւ երեւոյթը կանխելուն ուղղուած օրէնսդրութեան առկայութեան, վերջին տասնամեակին զարգացող երկիրներուն մէջ երեխաներու ամուսնութեան տարածուածութիւնը հիմնականօրէն մնացած է անփոփոխ:

«Մանուկ հասակին ամուսնանալը ընկերային, մշակութային կամ կրօնական որեւէ հիմնաւորում չի կրնար արդարացնել այն վնասը, որ այդ ամուսնութիւնները կը պատճառեն երիտասարդ աղջիկներուն ու անոնց ներուժին»,- կը նշէ ՄԱԲՀ-ի գործադիր տնօրէն, դոկտոր Պապատունթէ Օսոտիմեհինը:

«Աղջիկը պէտք է իրաւունք ունենայ ընտրելու, թէ որուն հետ եւ երբ ամուսնայ: Քանի որ կան բազմաթիւ ծնողներ ու համայնքներ, որ նոյնպէս լաւագոյնը կը ցանկանան իրենց դուստրերուն, ապա մենք պէտք է միասին աշխատինք երեխաներու ամուսնութեան վերջ դնելու համար: Ատիկա միակ ուղին է, որով մենք կրնանք կանխել երեխաներու ամուսնութիւնը, որ այլապէս կը վերածուի մարդկային ողբերգութեան»:

2010-ին 158 երկիր յայտարարեց, որ առանց ծնողական համաձայնութեան կամ այլ համապատասխան մարմնի հաստատման՝ ամուսնութեան նուազագոյն օրինական տարիքը կանանց համար սահմանած է 18 տարեկանը: Այդուհանդերձ, 2010-ին զարգացող երկիրներուն մէջ (բացառութեամբ Չինաստանի) իւրաքանչիւր երեք աղջիկներէն մէկը կամ 67 միլիոն աղջիկ ամուսնացած էր մինչեւ 18-րդ տարեդարձը: Այդ մանկահասակ ամուսնութիւններուն կէսը կատարուած էր Ասիոյ մէջ, իսկ եւս մէկ հինգերորդը` Ենթասահարային Ափրիկէի մէջ: Երեւոյթը լայնօրէն տարածուած է նաեւ Լատինական Ամերիկայի, Մերձաւոր Արեւելքի եւ Արեւելեան Եւրոպայի շարք մը համայնքներու մէջ:

Արձանագրուած է նաեւ յառաջընթաց, եւ, ըստ զեկոյցին, մանուկներու ամուսնութիւնները նուազած են շարք մը զարգացող երկիրներու մէջ` ներառեալ Հայաստանը, Պոլիվիան, Եթովպիան եւ Նեփալը, ի թիւս այլ երկիրներու:

«Չափազանց վաղաժամ ամուսնութիւններ. վերջ դնել երեխաներու ամուսնութեանե զեկոյցին համաձայն, աղքատ, քիչ կրթուած կամ ընդհանրապէս կրթութիւն չունեցող եւ գիւղական վայրերուն մէջ բնակող աղջիկները առաւել հաւանական է, որ ամուսնանան փոքր տարիքին: Զարգացող աշխարհի գիւղական վայրերուն մէջ բնակող աղջիկներուն համար մինչեւ 18 տարեկան ամուսնանալու հաւանականութիւնը կրկնակի մեծ է քաղաքաբնակ աղջիկներու համեմատութեամբ, իսկ կրթութիւն չունեցող աղջիկներու պարագային այդ հաւանականութիւնը երեք անգամ աւելի մեծ է, քան միջնակարգ եւ բարձրագոյն կրթութեամբ աղջիկներու պարագային: Աղջիկներու խոցելիութիւնը մանուկ հասակին ամուսնանալու առումով էականօրէն կ’աճի մարդասիրական ճգնաժամերու ժամանակ:

Զեկոյցը կոչ կ’ընէ կառավարութիւններուն եւ ղեկավարներուն վերջ դնել երեխաներու ամուսնութեան` ընդունելով եւ կիրարկելով ազգային օրէնքներ, որոնք կը բարձրացնեն ամուսնութեան նուազագոյն տարիքը մինչեւ 18-ը` թէ՛ աղջիկներու, թէ՛ տղաներու համար եւ օգտագործելով տուեալներ, որոնք թոյլ կու տան բացայայտել եւ ուշադրութեան կենտրոնին պահել աշխարհագրական «թէժ կէտերը»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>