Սլովաքիոյ Մէջ Հայոց Ցեղասպանութեան Ժխտումը Կը Պատժուի Օրէնքով. Շթեֆան Եարապին

Սլովաքիոյ գերագոյն դատարանի նախագահ Շթեֆան Եարապին այցելած է Ծիծեռնակաբերդի յուշահամալիր եւ յարգանքի տուրք մատուցած Հայոց ցեղասպանութեան զոհերու յիշատակին: Անոր ուղեկցած է ՀՀ վճռաբեկ դատարանի նախագահ Արման Մկրտումեան: Այս մասին կը հաղորդէ «Արմենփրես»-ը: Շթեֆան Եարապին եւ Արման Մկրտումեան ծաղկեպսակ դրած են Մեծ Եղեռնի զոհերու յիշատակը յաւերժացնող յուշարձանին, անմար կրակին մօտ մէկ րոպէ լռութեամբ յարգեցած անմեղ զոհերուն յիշատակը:

Սլոքակիոյ գերագոյն դատարանի նախագահ Շթեֆան Եարապին այցելած է նաեւ Հայոց ցեղասպանութեան թանգարան, ուր ծանօթացած թանգարանային ցուցադրութեան, որուն շարքին նաեւ Հայ գիրքի տպագրութեան 500-ամեակին եւ Երեւանը իբրեւ գիրքի համաշխարհային մայրաքաղաք հռչակելու առիթով բացուած «Գիրքը որպէս ցեղասպանութեան վկայ» խորագիրը կրող ժամանակաւոր ցուցադրութեան:

Գերագոյն դատարանի նախագահ Շթեֆան Եարապին մեծ ներդրում ունի Հայոց ցեղասպանութեան ճանաչման գործին: Սլոքակիան Հայոց ցեղասպանութիւնը ճանչցած է 2004 թուականին: Այդ երկրին մէջ իրաւական ուժ ունի նաեւ Հայոց ցեղասպանութեան ժխտման քրէականացումը:

Օրէնքով քրէական պատասխանատուութեան (5 տարի ազատազրկում) կ’ենթարկուին բոլոր անոնք, որոնք կը մերժեն Սլոքակիոյ մէջ ընդունուած Ցեղասպանութիւններէն որեւէ մէկը:

«Այս հարցի առնչութեամբ ամէն ինչ յստակ է, քանզի Սլովաքիոյ մէջ առկայ է օրէնքի գերակայութիւնը. խստօրէն կը պատժուին անոնք, որոնք կ’անտեսեն Ցեղասպանութեան փաստը: Ես կը յարգեմ մարդու կեանքը եւ խաղաղ կեանքի ու հարցերու խաղաղ լուծման կողմնակիցն եմ: Անհնար է մոռնալ այն անմեղ մարդոց, որոնք դաժանութիւններու զոհ դարձան»,-ըսած է Եարապին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>