Հալէպի Մէջ Հայ մը Զոհուած է

Այսօր՝ 11 Հոկտեմբեր 2012-ին, կէսօրուան ժամերուն Հալէպի Կոնտոլի հրապարակին վրայ անարգ փամփուփշտի մը զոհ դարձաւ սուրիահայ քաղաքացի՝ 1957-ի ծնունդ Ժան Թահհան:

Այս մասին կը հաղորդէ Բերիոյ թեմի պաշտօնական կայքը:

Աւելի կանուխ հաղորդուած էր, թէ Հալէպի մէջ «Ազատ բանակ»ի դիպուկահարի արձակած գնդակէն վիրաւորուած են Սուրիացի քաղաքացիներ, որոնց շարքին կայ հայ մը, որուն անունը չի նշուիր: Այս մասին «Արմենփրես»-ին տեղեկացուցած էր Հալէպի ազգային առաջնորդարանի մամլոյ խօսնակ ժիրայր Ռեյիսեան` աւելցնելով, որ միջադէպը տեղի ունեցած է հայաշատ Նոր Գիւղ թաղամասի մզկիթին մօտ: Ռէյիսեան նաեւ տեղեկացուցած է, որ մեր հայրենակիցը արդէն տեղափոխուած է հիւանդանոց եւ այժմ կը գտնուի բժիշկներու խիստ հսկողութեան տակ: «Վիճակը մտագոհիչ չէ»,-ըսած է ան:

Ռէյիսեան նշած էր, որ ընդհանուր առմամբ իրավիճակը Հալէպի հայաշատ եւ քրիստոնէական թաղամասերուն մէջ հանգիստ է, սակայն անակնկալներ միշտ ալ սպասելի են: Անոր խօսքով` բախումները կը շարունակուին ծայրամասային թաղամասերուն մէջ:

Սուրիական ՍԱՆԱ գործակալութիւնը կը տեղեկացնէ, որ բախումները Հալէպի քանի մը թաղամասերուն մէջ շարունակուած են նաեւ այսօր: Ասքար Քատի հրապարակին վրայ Անաբուժական հիւանդանոցի մօտակայքին յայտնաբերուած եւ ոչնչացուած են զինեալներու վեց մեքենաներ՝ տարբեր տեսակի զէնքերով: Գործողութեան ընթացքին ձերբակալուած եւ ոչնչացուած են նաեւ զինեալներ:

Սուրիոյ մէջ աւելի քան 18 ամիս շարունակուող բախումներուն հետեւանքով զոհուած է 30 հազարէն աւելի մարդիկ, որոնց շարքին` երեք տասնեակէ աւելի սուրիահայեր:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>