Սուրիահայերուն Վերաբերող Հիմնախնդիրները Քննարկուած են ՄԱԿ-ի Փախստականներու Հարցերով Գրասենեակի Ներկայացուցիչին Հետ

 ՀՀ սփիւռքի նախարար Հրանոյշ Յակոբեան Հոկտեմբեր 11-ին ընդունած է ՄԱԿ-ի փախստականներու հարցերով գերագոյն յանձնակատարի գրասենեակի ներկայացուցիչ Դամթիւ Դեսալէյը: Քննարկման առարկան սուրիահայերուն վերաբերող հիմնախնդիրներն էին եւ անոնց լուծման հնարաւոր ուղիները:

    Սփիւռքի նախարարը Դեսալէյին ներկայացուց մինչեւ օրս նախարարութեան նախաձեռնութեամբ իրականացուած սուրիահայերու կենսագործունէութիւնը Հայաստանի մէջ օրէնսդրական փոփոխութիւնները, այն զիջումներն ու արտօնութիւնները, զորս կը սահմանէ ՀՀ կառավարութիւնը` ՀՀ նախագահ Սերժ Սարգսեանի յանձնարարութեամբ:

   ՄԱԿ-ի փախստականներու հարցերով  գերագոյն յանձնակատարի գրասենեակի ներկայացուցիչ Դամթիւ Դեսալէյ տեղեկացուց, որ իրենց գրասենեակը եւս ծրագիրներ կ’իրականացնէ Հայաստանի եւ ամբողջ աշխարհի մէջ ապաստանած սուրիացիներուն օժանդակելու ուղղութեամբ, եւ որ յառաջիկայ ծրագիրները ուղղուած պիտի ըլլան Հայաստանի մէջ սուրիահայերու ձմեռնամուտը ապահովելու համար:

   Նախարարը տեղեկացուց նաեւ, որ ստեղծուած է «սուրիահայերու հիմնախնդիրները համակարգող կեդրոն՚ հասարակական կազմակերպութիւնը, որ կը հաւաքէ եւ կը վերլուծէ սուրիահայերու հիմնախնդիրները, կը ներկայացնէ զանոնք ՀՀ սփիւռքի նախարարութիւն: Հանդիպման աւարտին կողմերը ձեռք բերին սուրիահայերուն վերաբերող ծրագիրներու ծիրէն ներս համագործակցութեան համաձայնութիւն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>