Երեւանի Քաղաքապետը Հոկտեմբեր 14-ին Բոլորը Կը Հրաւիրէ Քաղաքի Փոքր Կեդրոն

  Երեւանի քաղաքապետ Տարօն Մարգարեան` աշխատանքային հերթական շրջայցով` ծանօթացած է Էրեբունի-Երեւան 2794-ամեակի տօնակատարութիւններուն ծիրէն ներս  մայրաքաղաքին մէջ ընթացող տօնական բեմերու կահաւորման աշխատանքներուն։ Այս մասին կը յայտնեն Երեւանի քաղաքապետարանի տեղեկատւութեան եւ հասարակայնութեան հետ կապերու վարչութենէն:

էրեբունի թանգարանին յարակից տարածքին Տարօն Մարգարեանին ներկայացուած են գլխաւոր թատերականացուած ներկայացման մանրամասներն ու բեմական կահաւորման աշխատանքները: Բեմականացման գլխաւոր բեմադրիչ Ռուբէն Յովհաննիսեան քաղաքապետին վստահեցուցած է, որ Հոկտեմբեր 14-ին թանգարանի յարակից հրապարակը ամբողջութեամբ պիտի վերածուի թատերական հարթակի: Ռուբէն Յովհաննիսեան նաեւ նշած է, որ ներկայացման որոշ հատուածներ հաճելի անակնկալ պիտի ըլլան տօնակատարութեան բոլոր մասնակիցներուն համար: Քաղաքապետ Տարօն Մարգարեան պատասխանատուները յանձնարարած է բեմահարթակներուն յարակից տարածքներուն աւելցնել տօնական ձեւաւորման պարագաները:

Աշխատանքային շրջայցին ծիրէն ներս ծանօթանալով բեմերուն վրայ ընթացող աշխատանքներուն ընթացքին` Տարօն Մարգարեան ընդհանուր առմամբ գոհ մնացած է  նախապատրաստական գործընթացէն: «Հոկտեմբեր 14-ին մեր սիրելի մայրաքաղաքի ծննդեան օրն է եւ մենք` բոլորս միասին, բարձր տրամադրութեամբ պէտք է նշենք Երեւանի տօնը: Բոլոր գլխաւոր բեմահարթակներում աշխատանքներն ընթանում են սահմանուած ժամանակացոյցի համաձայն: Ես վստահ եմ, որ Հոկտեմբերի 14-ին Երեւանն իսկապէս կը լինի տօնական եւ մենք կը կարողանանք ապահովել բարձր տրամադրութիւն: Մեզ համար նաեւ շատ կարեւոր է, որ այդ օրը երեւանցին դառնա տօնախմբութեան անմիջական մասնակիցը: Մէկ անգամ եւս Հոկտեմբերի 14-ին բոլորին հրաւիրում եմ քաղաքի փոքր կեդրոն, մասնակցելու բազմաթիւ եւ բազմաբնոյթ տօնական միջոցառումներին»,- նշած է Տարօն Մարգարեան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL