Հայաստանի եւ Ռուսաստանի Միջեւ Երկարատեւ Համագործակցութեան Համաձայնագիր Ստորագրուեցաւ

 Հայաստանի Հանրապետութեան եւ Ռուսաստանի Դաշնութեան տնտեսական համագործակցութեան միջկառավարական յանձնաժողովի հայկական եւ ռուսական կողմերու նախագահներու` ՀՀ վարչապետ Տիգրան Սարգսեանի եւ ՌԴ փոխադրամիջոցներու նախարար Մաքսիմ Սոկոլովի միջեւ Հոկտեմբեր 12-ին ստորագրուեցաւ ՀՀ եւ ՌԴ միջեւ մինչեւ 2020 երկարատեւ համագործակցութեան ծրագիրը: Այս մասին կը յայտնէ ՙArmenpress՚-ը։

Աղբիւրին համաձայն ՀՀ վարչապետը ստորագրման արարողութենէն ետք նշեց, որ ծրագիրը իր մէջ կը ներառէ մեր տնտեսութեան գրեթէ բոլոր ոլորտները: ՙԱյն ֆիքսում է փոխադարձ հետաքրքրութեան հանգամանքները եւ գործողութիւններն այդ ուղութեամբ, թէ ինչ ռազմավարութեամբ մենք պէտք է հասնենք նպատակին: Սա համալիր ծրագիր է, որի վրայ բաւական երկար աշխատել են ՀՀ եւ ՌԴ կառավարութիւնների աշխատանքային խմբերը՚,- ըսաւ Սարգսեան:
Ան տեղեկացուց, որ բոլոր կարեւորագոյն կէտերը համաձայնեցուած կերպով ներառուած են ծրագրի մէջ: Չկայ տնտեսական, մշակութային, ընկերային որեւէ ոլորտ, որ այս փաստաթուղթի մէջ արձանագրուած չ’ըլլայ:

Երեւանի մէջ Հոկտեմբեր 12-ին իր հերթական` 14-րդ նիստը գումարած է Հայ-ռուսական միջկառավարական յանձնաժողովը: Օրակարգի մէջ երկկողմ համագործակցութեան գրեթէ բոլոր ոլորտները ընդգրկող հարցերն էին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>