Հենրիխ Մխիթարեան՝ «Երեւանի Պատուոյ Քաղաքացի»

 

Երեւան քաղաքի 2794-րդ տարեդարձին առթիւ, ֆութպոլի մարզին մէջ ունեցած մեծ յաջողութիւններուն ու ձեռք բերած մարզական փայլուն նուաճումներուն համար, Հայաստանի ֆութպոլի ազգային հաւաքականի նշանաւոր մարզիկ Հենրիխ Մխիթարեանին շնորհուած է «Երեւանի պատուաւոր քաղաքացի» կոչումը՝ Երեւանի աւագանիին որոշումով։
Քաղաքապետարանին կողմէ փոխանցուած լուրերուն համաձայն՝ նոյն կոչումը շնորհուած է Երեւանի Կ.Ս. Ստանիսլաւսկիի անուան ռուսական դրամատիկական պետական թատրոնի գեղարուեստական ղեկավար Ալեքսանդր Գրիգորեանին՝ ազգային մշակոյթի զարգացման իմաստով անոր ներդրած նշանակալի աւանդին, ինչպէս նաեւ թատերարուեստի բնագաւառին մէջ ունեցած մեծ վաստակին եւ ակնառու ձեռքբերումներուն համար, իսկ ճատրակի բնագաւառին մէջ ունեցած մեծ վաստակին եւ ներդրած նշանակալի աւանդի համար՝ միջազգային մարզիկ, հանրայայտ ճատրակ խաղացող Ռաֆայէլ Վահանեանը եւս նոյն կոչումը ստացած է:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button