Սուրիոյ ճգնաժամը ռազմական ճանապարհով չի լուծուիր. Լախտար Իպրահիմի

Սուրիոյ հակամարտութեան կարգաւորման բանալին երկխօսութեան մէջ է, եւ ոչ թէ ռազմական ուժի կիրառման: Ինչպէս  կը հաղորդէ ITAR-TASS-ը, նման համոզմունք  յայտնած է ՄԱԿ-ի և Արաբական Լիկայի Սուրիոյ հարցերով յատուկ բանագնաց Լախտար Իպրահիմին՝ Սէուտական Արաբիոյ  Ապտալլա պըն Ապտէլ  Ազիզ վեհապետին հետ հանդիպման ընթացքին:
«Պարոն Իպրահիմին ամփոփած  է  Սուրիոյ կառավարութեան եւ ընդդիմութեան հետ ունեցած խորհրդակցութիւններուն արդիւնքները եւ  վստահութիւն յայտնած է, որ ողբերգական իրավիճակը հնարաւոր չէ լուծել ռազմական ճանապարհով: Միակ ելքը քաղաքական երկխօսութեան  սկսիլն է, որ կը համապատասխանէ սուրիացի ժողովրդին օրինական ձգտումներուն»,- նշուած է Իպրահիմիի պաշտօնական ներկայացուցիչ Ահմէտ Ֆաուզիի հաղորդագրութեան մէջ:

Անոր խօսքերով՝ Իպրահիմին և Ապտալլա թագաւորը «համաձայնութեան եկած են» միջազգային հանրությեն առջև դրուած սուր խնդրին՝ Սուրիոյ արիւնահեղութիւնը դադրեցնելու և բնակիչներուն մարդասիրական օգնութիւն տրամադրելու հարցին շուրջ:

 Իպրահիմի այսօր պիտի  ժամանէ Թուրքիա: ՄԱԿ-ի բանագնացը կրնայ եւ անկնկալ այցելութիւն մը տալ  Դամասկոս:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button