Երեւանի Պատուաւոր Քաղաքացիի Կոչումներ` Ալեքսանդր Գրիգորեանին, Ռաֆայէլ Վահանեանին եւ Հենրիխ Մխիթարեանին

Երեւանի քաղաքապետարանին յարակից Ռուսաստանի հրապարակին վրայ, “Էրեբունի-Երեւան” տօնական հանդիսութեանուններուն ծիրէն ներս Հոկտեմբեր 14-ին տեղի ունեցած հանդիսաւոր արարողութեան ժամանակ հրապարակուած է Երեւան քաղաքի աւագանիի որոշումը` Ստանիսլաւսկիի անուան թատրոնի գեղարուեստական ղեկավար Ալեքսանդր Գրիգորեանին, գրոսմայսթըր Ռաֆայէլ Վահանեանին եւ հանրածանօթ ֆութպոլիստ Հենրիխ Մխիթարեանին Երեւանի պատուաւոր քաղաքացիի կոչում շնորհելուն վերաբերեալ:

Այս մասին կը հաղորդէ Երեւանի քաղաքապետարանի տեղեկատւութեան եւ հասարակայնութեան հետ կապերու վարչութիւնը:
Շնորհաւորելով եւ յանձնելով հաւաստագրերը` քաղաքապետ Տարօն Մարգարեան վստահութիւն յայտնած է, որ վերջիններս նոյն նուիրումով ու եռանդով պիտի շարունակեն իրենց գործունէութիւնը` ի փառս մեր երկրի ու քաղաքամայր Երեւանի:

Երեւան քաղաքի զարգացման, ՀՀ ոստիկանութեան եւ Երեւանի քաղաքապետարանի միջեւ համագործակցութեան ամրապնդման գործին մէջ ունեցած աւանդին համար, ինչպէս նաեւ Երեւանի օրուան առնչութեամբ, ՀՀ ոստիկանութեան պետ Վլատիմիր Գասպարեանի հրամանով Երեւանի քաղաքապետ Տարօն Մարգարեան պարգեւատրուած է «Համագործակցութեան համար» մետալով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button