Գոռ Մայիլեան` Սամպոյի Աշխարհի Ախոյեան

0
1

Պուլկարիոյ մայրաքաղաք Սոֆիայի մէջ ընթացող Սամպոյի պատանիներու, աղջիկներու եւ երիտասարդներու աշխարհի 2012-ի առաջնութեան մինչեւ 56 քկ քաշայիններու պայքարին մէջ ոսկէ մետալ նուաճած է Գոռ Մայիլեան: Ան գերազանց իրականացուցած է բոլոր գօտեմարտերը` հռչակուելով սամպոյի աշխարհի ախոյեան: Այս մասին կը հաղորդէ Հայաստանի սամպոյի դաշնութեան մամուլի ծառայութիւնը:

Հայ մարզիկները այս առաջնութեան ընթացքին արժանացած են նաեւ չորս արծաթէ եւ երկու պրոնզէ մետալի: Հայաստանի հաւաքականը խմբային հաշուարկով զբաղեցուցած է երրորդ տեղը` զիջելով Ռուսաստանի եւ Վրաստանի խումբերուն:

Յիշեցնենք, որ հայ սամպիստները երրորդ տեղը գրաւած էին նաեւ 2012-ի սամպոյի պատանիներու, աղջիկներու եւ երիտասարդներու Եւրոպայի առաջնութեան: Հայաստանի հաւաքականը հայրենիք պիտի վերադառնայ Հոկտեմբեր 16-ին:

LEAVE A REPLY

Please enter your comment!
Please enter your name here