ՀՀ Նախագահը Ներկայ Գտնուած է Մայրաքաղաքի 2794-րդ Տարեդարձին Նուիրուած Տօնակատարութիւններուն

ՀՀ նախագահ Սերժ Սարգսեան եւ տիկին Ռիթա Սարգսեան երէկ երեկոյեան Հանրապետութեան հրապարակին վրայ ներկայ գտնուած են «Էրեբունի-Երեւան-2794» տօնակատարութեան ծիրէն ներս կազմակերպուած համերգին: Այս մասին կը հաղորդէ ՀՀ նախագահի պաշտօնական կայքը։

Հանրապետութեան ղեկավարը` տիկնոջ հետ` նոյն օրը առաւօտեան «էրեբունի» պատմահնագիտական արգելոց-թանգարանին մօտ գտնուող հրապարակին վրայ ներկայ գտնուած է նաեւ մայրաքաղաքի 2794-րդ տարեդարձին նուիրուած տօնական հանդիսութիւններու մեկնարկը ազդարարող` քաղաքի հիմնադրման մասին պատմող թատերականացուած ներկայացման:

Սերժ Սարգսեան` Երեւանի քաղաքապետ Տարօն Մարգարեանի ուղեկցութեամբ` շրջած է տօնական Երեւանի մէջ, զրուցած տօնախմբութեան մասնակիցներու հետ, դիտած մայրաքաղաքի տարեդարձին առիթով կազմակերպուած ձեռնարկները:

Էրեբունի-Երեւանի հերթական տարեդարձը իւրովի տօնած են մայրաքաղաքի մարզադպրոցներու աշակերտները եւ նախաձեռնութեան միացաց սիրողական մակարդակի վազորդները: Այս մասին, ըստ PanArmenian.net-ի, յայտնած են Երեւանի քաղաքապետարանի տեղեկատւութեան եւ հասարակայնութեան հետ կապերու վարչութենէն:

Վազորդները խորհրդանշական 2794 մեթր վազքատարածութիւնը յաղթահարած են Յաղթանակի կամուրջէն մինչեւ Մատենադարան երկարող հատուածը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>