Հայաստանէն 15 Թոն Սնունդ Ուղարկուեցաւ Սուրիա

Այս առաւօտ Հալէպ ուղեւորուած է 15 թոն սնունդով լի բեռնատար օդանաւ մը: Այս մասին “Ազատութիւն” ռատիոկայանին տեղեկացուցած է օդային բեռնափոխադրումներ իրականացնող հայաստանեան “Air Armenia” ընկերութեան գործադիր տնօրէն Արսէն Աւետիսեան:

Մօտ մէկ ամիս առաջ ձեւաւորուած “Օգնիր եղբօրդ” հասարակական շարժման նախաձեռնութեամբ հաւաքուած սնունդով լի օդանաւը վայրէջք կատարած է այժմեան Թուրքիոյ Կարին (Էրզրում) քաղաքի օդակայան` ճարտարագիտական վերազննման համար:

Թուրքիան ընկերութեան առջեւ պայման դրած էր, որ պիտի թոյլատրէ իր օդային տարածքով օդանաւին թռիչքը, եթէ ստուգէ անոր պարունակութիւնը:
“Օգնիր եղբօրդ” հասարակական շարժումo այնտեղ կ’ուղարկէ ձաւար, շաքար, ձէթ, իւղ, անուշ, մաքարոնեղէն եւ պահածոներ:

Թուրքիոյ մէջ վերազննման ենթարկուելէ ետք` քանի ժամէն օդանաւը վայրէջք պիտի կատարէ Հալէպի օդակայան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button