Թուրքիա Կը Ցանկանայ Ոչնչացնել Սուրիան` Իբրեւ Աշխարհաքաղաքական Գործօն. Ռուբէն Սաֆրաստեան

 Թուրքիոյ ձեռնտու է, որ Սուրիան, իբրեւ աշխարհաքաղաքական գործօն, դադրի գոյութիւն ունենալէն, իսկ ատոր հնարաւոր է հասնիլ միայն արտաքին միջամտութեամբ` զինուած ջոկատներու, զէնքի, զինամթերքի միջոցով: Այս մասին «Արմենփրես»-ի հետ զրոյցի ընթացքին նշած է ՀՀ ԳԱ ակադեմիայի Արեւելագիտութեան հիմնարկի տնօրէն Ռուբէն Սաֆրաստեան: «Վերջին դէպքերը ինչ որ ցոյց կու տան, ատոր հնարաւոր է հասնիլ ռազմական արտաքին յարձակման միջոցով: Փաստօրէն, Թուրքիան այսպիսով կը լուծէ նաեւ քաղաքական խնդիր, քանզի Թուրքիոյ հետ սահմանի երկայնքով տեղակայուած են քիւրտեր, որոնք վերջին քանի մը ամիսներու ընթացքին սկսած են բաւական լուրջ ձեւով հետապնդել ինքնավարութեան գուցէ եւ անկախութեան միտումներ: Իսկ ատիկա կը նշանակէ, որ Թուրքիան իր սահմաններու` Սուրիական եւ Իրաքեան հատուածին վրայ քրդական պետութեան իրականութեան հետ կը բախի»,- ըսաւ Արեւելագիտութեան հիմնարկին տնօրէնը: Երրորդ խնդիրը դուրս կու գայ թուրք-սուրիական յարաբերութիւններէն` վերաբերելով ընդհանարպէս Թուրքիոյ քաղաքականութեան: Նման յարձակումով Թուրքիան կը լուծէ ոչ միայն իր, այլ նաեւ Արեւմուտքի եւ ԱՄՆ-ի խնդիրը, քանզի անոնք ալ գիտեն, որ առանց արտաքին ուժի հնարաւոր չէ ազատիլ Պաշշար Ասատէն, ուստի Թուրքիան կը հանդիսանայ այդ մէկ կատարող արտաքին ուժը:

Այս առումով մտահոգիչ է Սուրիոյ հայութեան վիճակը եւ այն, թէ ինչ վտանգներով լի է Թուրքիոյ այս գործողութիւնը: Սաֆրաստեանի խօսքով` սուրիահայութիւնը եւ յատկապէս հալեպահայութիւնը Ցեղասպանութիւն վերապրած հայութեան սերունդ են, եւ Թուրքիան այս գործողութիւններու ծիրէն ներս հայութեան վնասելու ակնյայտ միտում ունի:

Սուրիոյ մէջ տեղի ունեցող բախումները իշխանական ուժերու եւ ընդդիմադիրներու միջեւ աւելի քան 30 հազար մարդու կեանք խլած են: Սուրիական կառավարութիւնը կը մեղադրէ Թուրքիան ապստամբերը զինելու գործով: Երկու երկիրներու միջեւ իրադրութիւնը սրուեցաւ, երբ Հոկտեմբեր 3-ին Սուրիոյ` Թուրքիոյ հետ սահմանակից Ռաքքա քաղաքին կից Թել Ապիատ անցակէտը գրոհայիններէն մաքրելու նպատակով իրականացուող գործողութիւններու ժամանակ` Սուրիոյ անվտանգութեան ուժերու արձակած արկը թիւրիցամաբար ինկաւ Թուրքիոյ Ուրֆա նահանգի Աքչաքալա գիւղի տան մը վրայ: Արկի պայթիւնէն զոհուած էին տանտիրուհին եւ անոր չորս զաւակները, եւս 9-ը մարդ վիրաւորուած էր: Սուրիոյ տեղեկատուութեան նախարար Ումրան ալ Զապին պաշտօնապէս ցաւակցութիւն յայտնած է զոհուածներու ազգականներուն եւ թուրք ժողովուրդին:

Հոկտեմբեր 4-ին Թուրքիոյ խորհրդարանին կողմէ Սուրիոյ մէջ թրքական զինուած ուժերուն անդրսահմանային ռազմական գործողութիւններ թոյլատրող որոշում ընդունուեցաւ, որմէ ետք այդ երկրի փոխվարչապետ Պաշիր Աթալահ յայտարարեց, թէ «ատիկա Սուրիոյ դէմ պատերազմ յայտարարել չի նշանակեր»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>