Ֆրանքոֆոնիայի Գագաթնաժողովը Ղարաբաղեան Հիմնախնդրի Խաղաղ Կարգաւորման Աջակցութիւն Յայտնած Է

Քինշասայի մէջ ընթացող Ֆրանքոֆոնիայի միջազգային կազմակերպութեան գագաթնաժողովին՝ միջազգային իրադրութեան նուիրուած քննարկումներու ծիրէն ներս Հոկտեմբեր 13-ին ելոյթ ունեցաւ Հայաստանի արտաքին գործոց նախարար Էտուարտ Նալպանտեան: Այս մասին կը հաղորդէ «Երկիր» կայքը:

Հայաստանի արտաքին քաղաքական գերատեսչութեան ղեկավարը իր խօսքին մէջ յատուկ անդրադարձ կատարած է Լեռնայինին: Ան ընդգծած է, որ միջազգային հանրութեան դիրքորոշումը հիմնահարցին բացառապէս խաղաղ ճանապարհով հանգուցալուծման վերաբերեալ, որ համահունչ է Հայաստանի մօտեցումին, բազմիցս արտայայտած են կարգաւորման գործընթացի ընթացքին միջազգային հանրութեան կողմէ միջնորդութեան իրաւագիր ունեցող ԵԱՀԿ Մինսքի խումբի համանախագահ երկիրներու` Ֆրանսայի, Ռուսաստանի եւ Միացեալ Նահանգներու նախագահները: Այդ դիրքորոշման գլխաւոր մօտեցումները առաջարկուած են ընդգրկելու Ֆրանքոֆոնիայի գագաթնաժողովի եզրափակիչ բանաձեւին մէջ: Ցաւօք, Ատրպէյճանը կը շարունակէ հակադրուիլ միջազգային հանրութեան եւ մերժել միջնորդներուն կողմէ հիմնախնդրի կարգաւորման ուղղուած առաջարկները:

Հոկտեմբեր 14-ին գագաթնաժողովը ընդունեց Ճգնաժամային իրավիճակներու հանգուցալուծման եւ խաղաղութեան ամրապնդման վերաբերեալ եզրափակիչ բանաձեւը, ուր ամրագրուեցաւ ՖՄԿ անդամ պետութիւններու լիակատար աջակցութիւնը ղարաբաղեան հակամարտութեան կարգաւորման ուղղութեամբ ԵԱՀԿ Մինսքի խումբի համանախագահներու կողմէ գործադրուող ջանքերուն:

«Կոչ կ’ընենք հակամարտութեան բոլոր կողմերուն՝ զերծ մնալ ուժի եւ ուժի սպառնալիքի կիրառումէն, որ կրնայ վտանգել կարգաւորման խաղաղ գործընթացը, շարունակել բանակցութիւնները Մինսքի խումբի համանախագահներու միասնական եւ անբաժան յենք հանդիսացող առաջարկութիւններու հիման վրայ` մասնաւորապէս ուժի եւ ուժի սպառնալիքի չկիրառման, տարածքային ամբողջականութեան եւ ժողովուրդներու իրաւահաւասարութեան եւ ինքնորոշման իրաւունքի սկզբունքներու հիման վրայ»,- կ’ըսուի Ֆրանքոֆոնիայի միջազգային կազմակերպութեան 14-րդ գագաթնաժողովի եզրափակիչ բանաձեւին մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>