Եւրոպական Միութիւնը Իր Տարածքը Կը Փակէ Սուրիական Օդանաւերուն Առջեւ

0
38

Լիւքսեմպուրկի մէջ Եւրոպական Միութեան արտաքին գործոց նախարարներու նիստի ընթացքին ընդունուած է Սուրիոյ դէմ պատժամիջոցներու հերթական` 18-րդ փաթեթը: Այս մասին կը հաղորդէ Tert.am-ը վկայակոչելով «Ռիա Նովոստի» գործակալութիւնը:

Նոր պատժամիջոցներով կ’արգելուի սուրիական օդանաւային ընկերութիւններու օդանաւերուն թռիչքը ԵՄ տարածքով, ինչպէս նաեւ Սուրիա զէնք տեղափոխող այլ երկիրներու օդային եւ ծովային փոխադրամիջոցներու ապահովագրումը ԵՄ տարածքին:

Բացի այդ, ընդլայնուած է «Սեւ ցուցակ»-ը սուրիացի ֆիզիկական եւ իրաւաբանական անձերու, որոնց տեղաշարժը ԵՄ տարածքին կը սահմանափակուի, ինչպէս նաեւ կը սառեցուին անոնց հաշիւները: Նոր ցուցակին մէջ ընգրկուած է 28 պաշտօնեայ:

Այսպիսով` Եւրոպական Միութեան պատժամիջոցները կը տարածուին Պաշշար ալ Ասատի եւ անոր շրջապատի 181 մարդու վրայ:

LEAVE A REPLY

Please enter your comment!
Please enter your name here