ԼՂ Հակամարտութիւնը Պէտք է Կարգաւորուի Խաղաղ Ճանապարհով. ԱՄՆ Պետական Քարտուղարի Տեղակալ

Ատրպէյճանի մայրաքաղաք այցելած ԱՄՆ պետական քարտուղարի եւրասիական հարցերով տեղակալ Էրիք Ռուպին կողմ արտայայտուած է Լեռնային Ղարաբաղի հակամարտութեան խաղաղ կարգաւորման: Այս մասին կը տեղեկացնէ Armenpress.am-ը` վկայակոչելով ատրպէյճանական “ԱՊԱ” գործակալութիւնը:

“Լեռնային Ղարաբաղի հակամարտութիւնը պէտք է կարգաւորուի խաղաղ ճանապարհով, պէտք է շարունակուին դիւանագիտական բանակցութիւնները”,-յայտարարած է Էրիք Ռուպին: Յիշեցնելով խնդիրի կարգաւորման վերաբերեալ ԵԱՀԿ Մինսկի խումբի յայտարարութիւնը` ԱՄՆ պետական քարտուղարի եւրասիական հարցերով տեղակալը յայտնած է, որ կողմերը պէտք չէ դիմեն այնպիսի քայլերու, որոնք երկկողմ յարաբերութիւնները աւելի պիտի լարեն: “Ըլլալով ԵԱՀԿ Մինսկի համանախագահ երկիր` մենք կ’աջակցինք այս հարցով Մինսկի խումբի գործունէութեան”,- եզրափակած է ան:

Էրիք Ռուպինը ԱՄՆ Պետական քարտուղարի եւրասիական հարցերով տեղակալի պաշտօնին նշանակուած էր 2011-ին` փոխարինելով Թինա Քէյդանաուը: Ասիկա ԱՄՆ Պետական քարտուղարի եւրասիական հարցերով տեղակալի երկրորդ պաշտօնական այցն է Ատրպէյճան: Առաջին անգամ ան Պաքու այցելած էր 2012 Յունուարին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>