Արցախի Մէջ Բացուեցաւ Անասնաբուժական Տարրալուծարանի Նոր Շէնք

Արցախի Հանրապետութեան նախագահ Բակօ Սահակեան Հոկտեմբեր 15-ին մասնակցած է ԼՂՀ գիւղատնտեսութեան նախարարութեան անասնաբուժական տարրալուծարանի նոր շէնքի բացման հանդիսաւոր արարողութեան: Այս մասին կը հաղորդեն ԼՂՀ նախագահի պաշտօնական կայքէն:

Նախագահը նշած է, որ ժամանակակից պայմաններուն համապատասխան նման կառոյցը խիստ պահանջուած է մեր հանրապետութեան համար եւ անիկա մեծապէս պիտի նպաստէ գիւղատնտեսութեան ոլորտի զարգացման, սննդամթերքի անվտանգութեան ապահովման:

Երկրի ղեկավարը ընդգծած է գիւղատնտեսութեան ոլորտի կարեւորութիւնը մեր հանրապետութեան համար` նշելով, որ այստեղ ցանկալի արդիւնքներու հասնելու համար անհրաժեշտ է ապահովել ժամանակակից ճարտարագիտական յագեցուածութիւն:

Նոյն օրը նախագահ Սահակեան այցելած է նաեւ մայրաքաղաք Ստեփանակերտի մէջ կառուցուող շարք մը տարածքներ եւ տեղւոյն վրայ ծանօթացած է այնտեղ իրականացուող աշխատանքներուն:

Նախագահին ուղեկցած են Հայ Առաքելական եկեղեցւոյ Արցախի թեմի առաջնորդ Պարգեւ արքեպիսկոպոս Մարտիրոսեան, վարչապետ Արա Յարութիւնեան, Հայ բարեգործական ընդհանուր միութեան նախագահ Պերճ Սեդրակեան, պաշտօնատար այլ անձինք:

Կարդացէք նաև

Եւրոպական Միութիւնը Իր Տարածքը Կը Փակէ Սուրիական Օդանաւերուն Առջեւ
Հիւլէակայանի Նոր Հատուածի Կառուցման Աշխատանքները Պիտի Համապատասխանեն ՀՈւՄԳ-ի Անվտանգութեան Պահանջներ...
«Եթէ Ադրբեջանական Կողմը Շարունակի Իր Արկածախնդրութիւնը, Մենք Չենք Վախենայ Պատերազմելուց». Ս. Սարգսեա...
Հանրապետութեան Տօնին Առիթով Շքանշաններ Ստացած Են 12 Սփիւռքահայ Գործիչներ
Հակառակորդը Առաջնագծի Հարաւային Ուղղութեամբ «Սմերչ» Համազարկային Կրակի Համակարգ Կիրառած է

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>