Պիձինա Իւանաշվիլի Ազգային Փոքրամասնութիւններէն Առաջինը Հայերու Հետ Հանդիպած է

Վրաստանի խորհրդարանական ընտրութիւններուն յաղթանակ տարած «Վրացական երազանք» միախառն դաշինքի առաջնորդ Պիձինա Իւանիշվիլի Թիֆլիսի «Քորթիարտ Մարիոթ» հիւրանոցին մէջ շուրջ եօթ տասնեակ վրացահայերու հետ Հոկտեմբեր 13-ին ունեցած հանդիպման ժամանակ լրջօրէն անդրադարձած է հայ համայնքի խնդիրներուն: Այս մասին` ըստ Armenpress.am-ի` յայտնած է «Բազմազգ Վրաստան» կազմակերպութեան ղեկավար Առնոլտ Ստեփանեան` շեշտելով, որ Վրաստանի մէջ պիտի դադրի հայկական դպրոցներու փակումը:

«Նախ պիտի նշեմ, որ այս ձեւաչափով Պիձինա Իւանաշվիլին ազգային փոքրամասնութիւններից առաջինը հայերի հետ է հանդիպել եւ մեծ ուշադրութիւն դարձրել հայկական համայնքի հիմնախնդիրներին` յատկապէս լեզուի, մշակոյթի եւ դպրոցների հարցում»,- ըսած է Առնոլտ Ստեփանեան:

Հայ համայնքի ներկայացուցիչներուն հետ հանդիպումը կայացած է Հոկտեմբեր 13-ին Թիֆլիսի «Քորթիարտ Մարիոթ» հիւրանոցին մէջ ընթերցողներու հետ բանաստեղծ-թարգմանիչ Կիւի Շահնազարի հանդիպման ծիրէն ներս: Հանդիպումը, որ նախաձեռնած էր Վրաստանի մշակոյթի նախարարի թեկնածու Կուրամ Օտիշարիան, խորհրդանշօրէն համընկած է Հայոց Եկեղեցւոյ կողմէ գիրերու գիւտի նշանաւորման օրուան եւ թարգմանչաց տօնին: Ձեռնարկին կազմակերպման աջակցած էր «Վրացական երազանք» միախառն դաշինքը` կուսակցութեան անդամ Կոկա Էլիպեգովի անմիջական մասնակցութեամբ:

Հանդիպման ներկայ եղած են Վրաստանի վարչապետի թեկնածու Պիձինա Իւանիշվիլի, Վրաստանի մշակոյթի նախարարի թեկնածու Կուրամ Օտիշարիա, Վրաստանի պատժակատարողական եւ իրաւաբանական հարցերով նախարարի թեկնածու Սոզար Սուպար, Հայ Առաքելական Ուղղափառ Սուրբ Եկեղեցւոյ Վիրահայոց Թեմի առաջնորդ Գերաշնորհ Տէր Վազգէն եպիսկոպոս Միրզախանեան, «Վրացական երազանք» կուսակցութենէն Վրաստանի խորհրդարանի պատգամաւորութեան թեկնածուներ Եուրի Մեչիդով եւ Ռուսլան Պօղոսեան, հայ եւ վրաց գրականասէրներ: Ձեռնարկը ընթացած է փոխադարձ ըմբռնման ջերմ մթնոլորտի մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>