«Սփիւռքի Տարեգիրք» Գիրքին Մէջ Ամփոփուած են ՀՀ-ի եւ Սփիւռքի Վերջին Տարիներու Բոլոր Իրադարձութիւնները

 ՀՀ սփիւռքի նախարարութեան կայացման գործին մէջ մեծ է լրատուամիջոցներու եւ լրագրողներու դերը, առանց որոնց օգնութեան անհնար պիտի ըլլար շուրջ 7 միլիոն հայերու միջեւ կապը պահելը: Այս հարցով մեծ է նաեւ Սփիւռքի լրատուամիջոցներուն դերը, որոնք նպաստած են այդ կապի ամրապնդման: Այս մասին, ըստ Armenpress.am-ի, Հոկտեմբեր 15-ին հրաւիրուած մամլոյ ասուլիսին ժամանակ նշած է ՀՀ սփիւռքի նախարար Հրանոյշ Յակոբեան`շեշտելով, որ Սփիւռքի նախարարութիւնը այլեւս կայացած պետական մարմին է, քանզի ՀՀ նախագահի նախընտարական ծրագիրին այս թեզը ամբողջութեամբ իրականացած է:

«Սփիւռքի նախարարութեան առջեւ դրուած գերակայ խնդիրներն էին «Իմ Հայաստան» համահայկական փառատօնի անցկացումը եւ «Սփիւռք» ամառային դպրոցի հիմնումը, ինչպէս նաեւ սիրիահայերի հիմնախնդիրները: Համահայկական փառատօնը մեկնարկել է Գրողների համահայկական 6-րդ համաժողովով, որին մասնակցել են շուրջ հարիւր գրող աշխարհի տարբեր կողմերից: Ուշագրաւ էր նաեւ դուդուկի համահայկական փառատօնը, որին մասնակցել է տասը սփիւռքահայ եւ յիսուն հայաստանցի դուդուկահար:

Ամառային դպրոցի ծրագիրն իրականացուեց Երեւանի պետական համալսարանի բազայի վրայ` հինգ ուղղութիւներով, որոնց առաջնային նպատակներից մէկը լեզուի արագացուած ուսուցմանը նպաստելն է»,- յայտնած է նախարարը` աւելցնելով, որ նախարարութիւնը սերտօրէն կը համագործակցի գիտական հաստատութիւններու հետ` ՀՀ ԳԱԱ-ի, ԵՊՀ իրաւաբանութեան, լրագրութեան, միջազգային յարաբերութիւններու բաժանմունքներուն հետ: Այս ընթացքին նախարարութիւնը տպագրած է շուրջ 46 գիտահետազօտական գիրք:

ՀՀ Սփիւռքի նախարարին խօսքով` գրի կ’առնուին հայկական համայնքներուն պատմութիւնը, ինչպէս նաեւ մեր ունեցուածքին իրավիճակը Սփիւռքի մէջ: «Սփիւռքի տարեգիրք» գիրքին մէջ ամփոփուած են Հայաստանի եւ Սփիւռքի մէջ տեղի ունեցած բոլոր անցքերը:

«Մենք խթանել ենք նաեւ զբօսաշրջութեան զարգացմանը: Կարեւոր ձեռբերում է նաեւ երկքաղաքացիութեան ինստիտուտի ներդրումը, քանզի արդէն ունենք 14-15 հազար երկքաղաքացի»,- ըսած է նախարարը: Յակոբեան նաեւ շեշտած էւ, որ իրենց իսկ նախարարութիւնը նպատակ ունի նաեւ զարկ տալու «Ատամնաբուժական զբօսաշրջութեան»:

ՀՀ սփիւռքի նախարարութիւնը, որ կը գործէ չորս տարիէ ի վեր, հաշուետու ժամանակաշրջանին իր գործունէութիւնը նպատակաուղղած է ՀՀ կառավարութեան կողմէ յառաջադրուած գերակայ եւ կանոնադրական խնդիրներու իրականացման:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>