Հայաստանի Բանակը Կրնայ Հարուածել 300 Քիլօմեթր Հեռու Գտնուող Հակառակորդի Կառոյցները

Լրագրողներուն հետ ունեցած հանդիպումին ընթացքին Հայաստանի զինուած ուժերու գլխաւոր ղեկավարման մարմինի գործադիր վարչութեան հետ զօր. Արտակ Դաւթեան յայտնեց, որ Հայաստանի զինուած ուժերը կարելիութիւն ունին 300 քիլօմեթր եւ աւելի հեռաւորութեան վրայ հրթիռային հարուածներ հասցնել հակառակորդի զօրային խմբաւորումներուն՝ ռազմական կամ տնտեսական ենթակառոյցներուն եւ սարքերուն։
Խօսելով 1-13 Հոկտեմբերին Հայաստանի մէջ կայացած ռազմավարական զօրավարժութիւններուն մասին՝ Դաւթեան նշեց, որ այդ ծիրին մէջ կատարուած են տարբեր բեմագրութեամբ տարբեր մարզումներ՝ հրթիռային հարուածներուն առնչուած։ «Խաղաղ բնակչութեանը հարուածներ չեն հասցուելու եւ նման սցենար (բեմա-գրութիւն-Խմբ.) չի էլ խաղարկւում: Մենք պլանաւորում ենք հարուածներ հասցնել հնարաւոր հակառակորդի ռազմական կամ տնտեսական օբյեկտներին (կառոյց-ներուն-Խմբ.), որոնք էական նշանակութիւն ունեն տուեալ երկրի համար, օրինակ՝ նաւթային, գազային օջախները», աւելցուց ան։

    Կարժէ նշել, որ  յառաջիկայ  տարի Ատրպէյճանի մէջ  ռազմական ծախսերու համար կը նախատեսուի յատկացնել 1,528,582 հազար մանաթ (շուրջ 1,947,238 հազար տոլար) գումար մը, որ 2013-ի պետական պիւտճէի ընդհանուր ծախսերուն 13 տոկոսը կը  կազմէ: Ասիկա 8.6 տոկոսով աւելի է քան 2012 թուականի գումարը: Յիշեցնենք, որ 2012-ի պետական պիւտճէէն պաշտպանութեան համար յատկացուած է 1,407,312.4 հազար մանաթ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button