ԱՄՆ Հայ Դատի Գրասենեակը Պիտի Չսատարէ Ո’չ Պարաք Օպամային, Ո’չ Միթ Ռոմնիին

0
55

ԱՄՆ Հայ Դատի գրասենեակը յայտարարած է, որ ո՛չ նախագահ Պարաք Օպաման, ո՛չ Մասաչուսէթսի նախկին նահանգապետ Միթ Ռոմնին չեն վաստակած հայ համայնքի աջակցութիւնը Նոյեմբեր 6-ին կայանալիք նախագահական ընտրութիւններուն:

«Պարաք Օպաման, որ չկատարեց իր խոստումները եւ նախկին նահանգապետ Միթ Ռոմնին մեր համայնքին մտահոգող խնդիրներուն շուրջ հանրային զեկոյցով հանդէս չեն եկած` վաստակելու ամերիկահայերուն քուեները՚,-ըսած է է ԱՄՆ Հայ Դատի գրասենեակի ղեկավար Քէն Հաչիկեանը:

ԱՄՆ գործադիր իշխանութիւնը արտաքին քաղաքականութեան հարցով ամերիկահայերը յուզող խնդիրներուն շուրջ կը շարժին Անգարայի եւ Պաքուի թելադրանքով:

Նախագահ Պարաք Օպամա 2008-ին ունէր Հայ Դատի գրասենեակի աջակցութիւնն ու ամերիկահայերուն քուէները եւ բազմիցս խոստացած էր աշխատիլ Հայոց ցեղասպանութեան ճանաչման, ինչպէս նաեւ ամերիկահայերը յուզող այլ խնդիրներու, ներառեալ` Լեռնային Ղարաբաղի հարցի լուծման ուղղութեամբ, եւ ամերիկահայ առաջնորդներուն հետ գործուն համագործակցութիւնը:

Նախագահ Օպամա չկատարեց Հայոց ցեղասպանութիւնը ճանչնալու խոստումը` իշխանութեան առաջին 90 օրերուն իր վարչակազմի միջոցով մինչեւ Ապրիլ 24 Երեւանին ընդունել տալով «ճանապարհային քարտէզ՚ն ու Արձանագրութիւնները, որ իրեն տուաւ քաղաքական ծածկ` խոստումը խախտելու համար:

Խոստումը խախտելու ամենաակնառու օրինակը եղաւ Քոնկրէսի կողմէ Ցեղասպանութեան ճանաչման վարչակազմի դէմ արտայայտուիլն ու պետական քարտուղար Հիլարի Քլինթընի յայտարարութիւնը` Ցեղասպանութեան պատմական բանավէճ ըլլալու վերաբերեալ:

Նախագահի առաջին ազդանշանը, որ պիտի խախտէ խոստումը, եղաւ 2009-ի Մարտին, երբ Թուրքիայի խորհրդարանին մէջ ունեցած իր ելոյթին ան չօգտագործեց «հայոց ցեղասպանութիւն՚ եզրոյթը, բայց նշեց, որ իր ՙանձնական՚ տեսակէտը այս հարցով չէ փոխուած:

Նախագահը չկատարեց իր խոստումները նաեւ այլ ոլորտներու մէջ: Ան, ինչպէս խոստացած էր, չփնտռեց ՙԼՂ հակամարտութեան տեւական լուծում` հիմնուած ամերիկեան ժողովրդավարութեան եւ ինքնորոշման սկզբունքներու վրայ, փոխարէնը ատրպէյճանամէտ Մեթիու Պրայզան նշանակեց Ատրպէյճանի մէջ դեսպան:

Ղեկավարման 4 տարիներու ընթացքին, հակառակ օգնելու խոստման, նախագահ Օպաման փորձեց կրճատել Հայաստանին տրուող աջակցութիւնը: Թէեւ իբրեւ թեկնածու ան խոստացած էր մեծցնելու առեւտրաշրջանառութիւնը Հայաստանի հետ, սակայն որեւէ էական քայլ այս ուղղութեամբ չեղաւ: Ան նաեւ չկատարեց ամերիկահայ համայնքի հետ առաւել գործուն աշխատելու խոստումը. 4 տարիներու ընթացքին ան գոնէ մէկ անգամ համայնքի հետ հանդիպում չունեցաւ:

• Նախագահի հանրապետական թեկնածու Միթ Ռոմնին` Մասաչուսէթսի նախկին նահանգապետը, նահանգ, ուր կը բնակի ամերիկահայ ամենավառ համայնքը, իր կառավարման (նահանգապետի պաշտօնին), ինչպէս նաեւ քարոզարշաւի ընթացքին ոչինչ չէ յայտարարած հայկական հարցերուն վերաբերեալ: Ան նաեւ չէ հանդիպած եւ չի խորհրդակցած հայ համայնքի ղեկավարութեան հետ:

• Այս պահու դրութեամբ ո՛չ Ռոմնին, ո՛չ նախագահ Օպաման չեն արձագանգած Հայ Դատի գրասենեակի բազմաթիւ գրաւոր դիմումներուն` հայ համայնքին հետաքրքրող հարցերուն վերաբերեալ իրենց տեսակէտները հրապարակայնօրէն ներկայացնելու հարցով:

Անցեալ շաբաթ երկու կազմակերպութիւններ` յունական եւ հայկական համայնքները, որոնք շուրջ 5 միլիոն ներկայացուցիչ ունին Միացեալ Նահանգներու մէջ, միասին կոչ ըրած են Միթ Ռոմնիին եւ Պարաք Օպամային` վերջ տալ հայկական եւ յունական խնդիրներուն շուրջ լռութեան: ՙՄենք պահանջած ենք հանրութեան ներկայացնել այն առաջնահերթութիւնները եւ սկզբունքները, որոնք իրենց վարչակազմերը պիտի իրագործեն շուրջ 5 միլիոն քաղաքացի ունեցող հայ եւ յոյն համայնքներու համար՚ ,-ըսուած էր անոնց համատեղ յայտարարութեան մէջ:

LEAVE A REPLY

Please enter your comment!
Please enter your name here