Լը Հայի Գիրքի Վաճառքին Մասնակցած է Հայ Գիրքը

Լը Հայի քաղաքապետարանի «Ատրիում» սրահին մէջ Հոկտեմբեր 14-ին տեղի ունեցած է մանկական գիրքի տարեկան տօնավաճառը, որմով կ’աւարտի մանկական գիրքի շաբաթը Հոլանտայի մէջ: Այս մասին կը տեղեկացնէ «News.am»-ը:

Սրահը դարձած է հանդիպման վայր հոլանտացի եւ այլ ազգերու մանուկներու համար` իրարու համար ճանաչելի դարձնելով իրենց կողմէ կատարուող ազգային պարերու, երգերու եւ ասմունքի միջոցով: Հոլանտահայ համայնքը եւս ներկայացած է հոլանտացի հանդիսատեսին` «Աբովեան մշակութային միութեան» մանկական պարախումբի պարային կատարումներու եւ միութեան կիրակնօրեայ դպրոցի սաներու կողմէ հայ բանաստեղծներու գործերու հայերէն եւ հոլանտերէն կատարումով:

Ձեռնարկին ներկաներուն իր ողջոյնի խօսքը յղած է Հոլանտայի մօտ Հայաստանի դեսպան Ձիւնիկ Աղաճանեան: ՀՀ դեսպանը կարեւոր համարած է գիրքի ու կրթութեան դերը երեխաներու դաստիարակութեան գործին մէջ: Ան նշած է, որ Հայաստանի մայրաքաղաք Երեւանը պատիւ ունի 2012-ին կրելու ԵՈՒՆԵՍՔՕ-ի Գիրքի համաշխարհային մայրաքաղաքի տիտղոսը, որ առիթ դարձած է մէկ անգամ եւս կարեւոր համարելու գիրն ու գիրքը: Դեսպանը նաեւ շեշտած է, որ հայ ժողովուրդին համար գիրքը միշտ դիտուած է իբրեւ սրբութիւն` յաճախ դառնալով ինքնութեան պահպանման գործօն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button