Հայաստանէն Հալէպ Մեկնած Օդանաւը Վերադարձած է. Սուրիահայութեան Օգնութիւնը Շարունակական Պիտի Ըլլայ

 «Օգնիր եղբօրդ» նախաձեռնութիւնը կը շարունակէ այս պահուն եւս աշխատիլ եւ արդէն իսկ կը նախապատրաստէ Սուրիոյ հայերուն ուղարկուելիք մարդասիրական օգնութեան երկրորդ խմբաքանակը: Այս մասին կը հաղորդէ ՀՅԴ Բիւրոյի տեղեկատուականը:

Նախաձեռնութեան անդամ Լիլիթ Գալստեան յայտնած է, որ մեր հայրենակիցները կը շարունակեն արձագանգել, եւ արդէն օգնութեան առաջարկներ կան Ռուսաստանի հայերու միութեան նախագահ Արա Աբրահամեանէն, «Հայռուսգազարդ» ընկերութենէն, «Սիւիլիթաս» հիմնադրամէն եւ այլ անհատներէ ու կազմակերպութիւններէ:

«Եթէ առաջիկայում իրավիճակը չհանդարտուի եւ կարգաւորուի, պէտք է շարունակենք օգնութիւն ցուցաբերել մեր համայնքին, որի կարիքն այսօր նրանք շատ ունեն»,- նշած է Լիլիթ Գալստեան:

«Օգնիր եղբօրդ» նախաձեռնութեան մարդասիրական օգնութիւնը արդէն հասած էՀալէպ. անիկա պիտի հասնի բոլոր կարիքաւորներուն: Այս մասին, մամուլի հետ զրոյցի ընթացքին, նշած է Բերիոյ Հայոց թեմի առաջնորդարանի բանբեր Ժիրայր Ռէյիսեան` խօսելով տեղ հասած մարդասիրական օգնութեան բաշխման սկզբունքներուն եւ արդէն իսկ մեկնարկած նախապատրաստական աշխատանքներուն մասին:

Ըստ Ժ. Ռէյիսեանի` քանի որ օդանաւը երէկ երեկոյեան բեռնաթափուած էր Հալէպի միջազգային օդակայան, Հալէպի մէջ ձեւաւորուած միջմիութենական, միջհամայնքային շտապօգնութեան մարմինի կամաւորները օդակայան մեկնած են այսօր, որպէսզի օժանդակութիւնը փոխադրեն քաղաք, որմէ ետք, բնականաբար, պիտի սկսի բաշխման գործընթացը: Անոր խօսքերով` դեռ կանուխ է խօսիլ այն մասին` հասած օժանդակութիւնը բաւարա՞ր է, թէ` ոչ, որովհետեւ շտապօգնութեան մարմինի տղաները բաշխման գործընթացը դեռ չեն սկսած, բեռը պիտի փոխադրուի քաղաք, եւ անոնք պիտի հասկնան` ինչպէս բաշխել:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>