ԱՄՆ Պետական Քարտուղարութիւնը Դիրքորոշում Յայտնած է Հայկական Օդանաւին Առնչութեամբ

Ուաշինկթըն կը պաշտպանէ սուրիական օդանաւերուն համար իր օդային տարածքը փակելու  Թուրքիոյ  որոշումը, բացառութեամբ մարդասիրական օգնութիւն տեղափոխող թռիչքներու: Այս մասին, ըստ News.am-ի, Հոկտեմբեր 15-ին յայտարարած է ԱՄՆ պետական քարտուղարութեան պաշտօնական ներկայացուցիչ Վիքթորիա Նուլընտ:

Ան նաեւ կոչ ուղղած է Սուրիոյ հարեւան երկիրներուն` զգօն ըլլալու այն հարցով, թէ ինչպէս կ’օգտագործուի իրենց օդային տարածքը, յատկապէս հիմա, երբ իրենք ունին յստակ օրինակ:

«Սակայն, ես կ’ուզէի նշել, որ Թուրքիան բացառութիւններ կ’ընէ մարդասիրական օգնութեան համար»,- ըսած է Նուլընտ, յիշեցնելով հայկական օդանաւին համար եղած բացառութիւնը, որ թռիչք իրականացուցած է Թուրքիոյ օդային տարածքով` պայմանով, որ բեռը պէտք է զննուի:

Նշենք, որ սուրիական օդանաւերուն համար Թուրքիոյ օդային տարածքին փակումը չի կրնար կապ ունենալ հայկական մարդասիրական օգնութիւնը Հալէպ հասցնելուն հետ, քանի որ անիկա իրականացուցած է բեռնափոխադրումներ իրականացնող հայկական «AIR Armenia” ընկերութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button