Մամուլի Հրապարակումները Շատ Կարեւոր են Պետական, Քաղաքական Գործիչներու Համար. Տիգրան Սարգսեան

Հայ մամուլի օրուան առիթով` Հոկտեմբեր 16-ին վարչապետ Տիգրան Սարգսեան շնորհաւորած է լրագրողները: Շնորհաւորանքին մէջ մասնաւորապէս ըսուած է.

«Քաղաքացիական հասարակութեան կայացումը մեծապէս կապուած է նաեւ ժամանակակից, մասնագիտական լրատուամիջոցներու առկայութեամբ: Այսօր Հայաստանի մէջ կան տասնեակ թերթեր ու ելեկտրոնային լրատուամիջոցներ: Բարձր որակաւորումը, անարդարութեան նկատմամբ պայքար մղելու պատրաստակամութիւնը, երեւոյթներու իրական լուսաբանումը եղած են եւ կը շարունակեն մնալ այն լրագրողներուն նկարագիրը, որոնք իրենց հրապարակումներուն մէջ աչքի կը զարնեն սկզբունքային եւ անաչառ կեցուածքով:

Ժամանակակից մամուլի պարտականութիւնը ոչ միայն հաւաստի եւ ամբողջական տեղեկատւութեան հրապարակումն է, այլեւ սեփական մասնագիտութեան պատուի պահպանումն ու անոր քաղաքացիական արժէքի բարձրացումը:

Մամուլի հրապարակումները շատ կարեւոր են նաեւ պետական, քաղաքական գործիչներու համար: Բազմաթիւ են այն դէպքերը, երբ մեր երկրին մէջ կատարուած այս կամ այն իրադարձութեան մասին կը տեղեկանանք ուղղակի լրատուամիջոցներու հրապարակումներէն, որմէ ետք ալ կ’անցնինք այդ խնդիրներու լուծման: Ազատ, արդար ու իրական մամուլը իրականութեան մէջ մեր գործունէութեան հայելին է, որմէ դասեր կը քաղենք, կը շտկենք եւ ուղղում կ’ընենք մեր ամենօրեայ աշխատանքին մէջ: Մամուլը մեր երկրի յարատեւման գրաւականներէն է` իր սրութեամբ եւ անաչառութեամբ: Կը շնորհաւորեմ ձեզ մասնագիտական տօնին առիթով”:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button