Մշակութային Ժառանգութեան Վերաբերեալ Հարցեր Քննարկուած են

Մշակութային ժառանգութեան գնահատման ու պահպանման, զբօսաշրջութեան զարգացման հեռանկարներու եւ համագործակցութեան եզրերու վերաբերեալ շարք մը հարցեր քննարկուած են Երեւանի քաղաքապետի խորհրդական Արամ Սուքիասեանի եւ Ֆրանսայի Իլ տը Ֆրանս նահանգի շրջանային խորհուրդի զբօսաշրջութեան միջազգային համագործակցութեան պատասխանատու Էլ Եամին Սումի հետ այսօր տեղի ունեցած հանդիպման ժամանակ: Այս մասին կը տեղեկանցնեն Երեւանի քաղաքապետարանի տեղեկատւութեան եւ հասարակայնութեան հետ կապերու վարչութենէն:

Ողջունելով հիւրերը` Արամ Սուքիասեան նշած է, որ հայ-ֆրնասական, ինչպէս նաեւ Իլ տը Ֆրանսի եւ Երեւանի քաղաքապետարանի միջեւ առկայ ամուր բարեկամական եւ գործակցային կապերը կրնան լաւ հիմք հանդիսանալ եւ նպաստել համատեղ ծրագրերու իրականացման` մասնաւորապէս մշակութեան ժառանգութեան պահպանման համար:

«Երեւանի քաղաքապետարանը, ի դէմս քաղաքապետ Տարօն Մարգարեանի, մշտապէս պատրաստ է քննարկելու համատեղ հետաքրքրութիւն ներկայացնող ծրագրեր: Մայրաքաղաքն օրէցօր զարգանում է եւ դրանով է պայմանաւորուած դէպի Երեւան զբօսաշրջիկների աւելացող հոսքը: Քաղաքում պատմամշակութային մեծ ժառանգութիւն կայ, իսկ դա աւելի ճանաչելի դարձնելու գործում մենք ակնկալում են նաեւ մեր գործընկերների աջակցութիւնը»,- նշած է Արամ Սուքիասեան ու աւելցուցած, որ այս տարի Երեւանը ԵՈՒՆԵՍՔՕ-ի կողմէ ճանչցուած է Գիրքի համաշխարհային մայրաքաղաք, որ նոյնպէս կը վկայէ, որ մայրաքաղաքը ունի մեծ ներուժ` պատմամաշակութային ժառանգութեան պահպանման եւ զբօսաշրջութեան զարգացման բնագաւառին մէջ:

Շնորհակալութիւն յայտնելով հիւրընկալութեան համար` Էլ Եամին Սում նշած է, որ, «Էերեբունի-Երեւան 2794» տօնակատարութեան ծիրէն ներս մասնակցելով շարք մը հանդիսութիւններու եւ շրջելով մայրաքաքին մէջ` նկատած է զբօսաշրջութեան զարգացման լայն հեռանկարներ եւ պատրաստակամութիւն յայտնած է իր հնարաւորութեան սահմաններուն մէջ աջակցելու եւ արտերկրի մէջ աւելի ներկայանալի դարձնելու Երեւանի պատմամաշակութային ժառանգութիւնը:

Հանդիպման ընթացքին նշուած է նաեւ, որ Երեւանի քաղաքապետարանը հետաքրքրուած է Երեւանի մէջ ստեղծելու զբօսաշրջութեան գրասենեակ եւ կ’ակնկալէ այդ ուղղութեամբ առաջարկներ բոլոր գործընկերներէն: Կողմերը համաձայնած են նաեւ կազմակերպել մասնագէտներու փոխայցելութիւններ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>