ՀՀ Սփիւռքի Նախարարն Ընդունեց Արեւմտահայոց Ազգային Համագումարի Միջազգային Կազմակերպութեան Ղեկավարները

ՀՀ սփիւռքի նախարար Հրանոյշ Յակոբեան ընդունեց Արեւմտահայոց ազգային համագումարի ոչ կառավարական միջազգային կազմակերպութեան նախագահ Սուրէն Սերայտարեանը, փոխնախագահներ Կարէն Միքայէլեանն ու Նորատ Տէր Գրիգորեանը:

Արեւմտահայոց Ազգային Համագումարի ոչ կառավարական միջազգային կազմակերպութիւնը գրանցուած է Փարիզի մէջ` Ֆրանսայի 1901 թուականի օրէնսդրութեան համաձայն, եւ անդամագրուած է ՄԱԿ-ի տնտեսական եւ ընկերային խորհուրդին մէջ` իբրեւ միջազգային հասարակական ոչ կառավարական կազմակերպութիւն:

Կազմակերպութեան ղեկավարները նախարարին ներկայացուցին կազմակերպութեան նպատակներն ու ծրագիրները: Կազմակերպութիւնը պէտք է հանդէս գայ միջազգային ասպարէզին մէջ` իբրեւ արեւմտահայոց` Օսմանեան կայսրութեան նախկին հայ քաղաքացիներու ժառանգներու լիազօր ներկայացուցչական մարմին` պաշտպանելու անոնց ոտնահարուած շահերն ու իրաւունքները: Կազմակերպութիւնը պիտի կատարէ ժամանակի ընթացքին համապատասխան աշխատանք, որպէսզի հնարաւոր դարձնէ ներկայացնել թրքական իշխանութիւններուն արեւմտահայութեան պահանջները` հատուցելու 1915-1923 թուականներու Հայոց Մեծ Եղեռնի հետեւանքով հասցուած բարոյական, նիւթական եւ տարածքային վնասները:

ՀՀ սփիւռքի նախարարութիւնը եւ Արեւմտահայոց ազգային համագումարի ոչ կառավարական միջազգային կազմակերպութիւնը ձեռնամուխ պիտի ըլլան սերտ համագործակցութեան,- կը յայտնէ ՀՀ սփիւռքի նախարարութեան Տեղեկատուութեան եւ հեռահաղորդակցութեան վարչութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL