Հենրիխ Մխիթարեան՝ Աշխարհի Ամէնէն Նշանաւոր Մարզիկներու Կարգին

 Ֆութպոլի պատմութեան եւ վիճակագրութեան միջազգային ֆետերասիոնը հրապարակած է  անունները այն ֆութպոլիստներուն, որոնք կը պայքարին 2012-ի աշխարհի ամէնէն նշանաւոր ֆութպոլի մարզիկի կոչման համար: Թեկնածուներու կարգին է նաեւ Հայաստանի ազգային հաւաքականի կիսապաշտպան Հենրիխ Մխիթարեանը:
Այս առնչութեամբ քուէարկութիւնը տեղի պիտի ունենայ 15 Հոկտեմբերէն 30 Նոյեմբեր: Ֆութպոլասէրները պիտի որոշեն իւրաքանչիւր ցամաքամասի լաւագոյն մարզիկը։ Եւրոպայի եւ Հարաւային Ամերիկայի առաջին ութ տեղերը եւ մնացած ցամաքամասերուն առաջին հինգ դիրքերը գրաւող ֆութպոլիստները պիտի պայքարին յաղթողի կոչման համար:
Նշենք, որ Հենրիխ Մխիթարեանն ընդգրկուած է եւրոպական գօտիին մէջ: Միեւնոյն ցանկին մէջ կան այլ աստղեր, ինչպէս՝ Քրիսթիանօ Ռոնալտոն, Չաւին, Ռունին, Ինիէսթան եւ այլ աշխարհահռչակ մարզիկներ։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button