Համաշխարհային Տնտեսութիւնը Ակնկալուածէն Աւելի Դանդաղ Կը Վերականգնի

 «Իթար-Թաս» լրատու գործակալութիւնը կը հաղորդէ, որ Միջազգային դրամական հիմնադրամի գործադիր տնօրէն Քրիսթին Լակարտ, Ճափոնի մէջ տեղի ունեցած Միջազգային դրամատան եւ Միջազգային դրամական հիմնադրամի նոր նստաշրջանի բացման ընթացքին յայտնած է, որ համաշխարհային տնտեսութեան վերականգնումը դանդաղած է:
«Մենք արդէն տնտեսութեան արագ վերականգնումին չենք սպասեր: Անիկա կը շարունակուի, սակայն՝ աւելի դանդաղ, քան մենք կը կարծէինք: Անորոշութիւնները ծանր բեռ մը դարձած են աճի հեռանկարներուն վրայ», ըսած է Լակարտ:
Ան դժգոհութիւն յայտնած է Եւրոմիութեան անդամ երկիրներու մէջ՝ պարտքերու տագնապի լուծման վերաբերեալ Եւրոմիութեան ղեկավարներու դիրքորոշումին նկատմամբ: Ըստ անոր՝ հարցը լուծելու համար աւելի ընդգրկուն նախագիծ մը պէտք է մշակուի:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>