Վանի Աղթամար Կղզիին Մէջ Հայուհիի Հրաշալի Ձայնը Զարմացուցած է Թուրք Այցելուները

 Արեւմտեան Հայաստան այցելած ուխտագնացներէն Լիլիթ Յովհաննիսեան Վանի Աղթամար կղզիի Սուրբ Խաչ եկեղեցւոյ մէջ երգած է “Սուրբ սուրբ” եւ “Տէր ողորմեա” շարականները, որոնք մեծ արձագանգ գտած են կղզի այցելած թուրքերուն մօտ: Այս մասին կը յայտնէ News.am-ը:

Լիլիթ Յովհաննիսեան պատմած է, որ ուխտագնացներու խումբին հետ այցելած են նաեւ Աղթամարի Սուրբ Խաչ եկեղեցի, ուր եւ կատարած է “Սուրբ սուրբ”-ը եւ “Տէր ողորմեա”- ն: “Առաջին երգի ժամանակ եկեղեցում բացի հայաստանցի ուխտաւորներից ոչ ոք չկար, ուստի` թուրք ոստիկանը թոյլատրեց երգել, սակայն երբ սկսեցի կատարել երկրորդ երգը, եկեղեցի մտան մեծ թուով թուրքեր եւ բջջային հեռախօսներով եւ տեսախցիկներով անմիջապէս սկսեցին տեսագրել իմ կատարումը”,- նշած է Լիլիթը:

Անոր խօսքով` երբ եկեղեցի մտած թուրքերուն թիւը շատցած է, եկեղեցին հսկող ոստիկանը, վախնալով, որ անոնց մէջ կրնան ըլլալ անձեր, որոնք կը բողոքեն, որ եկեղեցւոյ մէջ կ’երգեն, բոլորին ներկայութեամբ մօտեցած է իրեն եւ զգուշացուցած, որ ներսը կարելի չէ երգել:

“Երբ հաւաքուած թուրքերը տեսան, որ ոստիկանն ինձ արգելեց երգել, խիստ արձագանգեցին ` կշտամբելով նրան: Իսկ հաւաքուածներից մէկն ասաց,- “Բաւական չէ, որ այդ ազգը կոտորեցինք, կախեցինք, հիմա ալ թոյլ չենք տար իրենց եկեղեցւոյ մէջ անգամ արտայայտուին…”: Եկեղեցուց դուրս գալուց յետոյ շատերը մօտենում էին ինձ եւ ափսոսանք յայտնում, որ ոստիկանն այդպէս վարուեց: Իսկ մի քանիսը նոյնիսկ չգիտէին էլ, թէ ինչ լեզուով էի երգում”,- պատմած է Լիլիթը:

Նշենք, որ Լիլիթը ՀՀ Գիտութիւններու ազգային ակադեմիայի Մոլեկուլային կենսաբանութեան ուսումնարանի կրտսեր գիտաշխատող է:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>