Հայ Գործարարները Շահագրգռուած են Արժանթինական Շուկայ Մտնելու Հարցով

Երեւանի մէջ տեղի պիտի ունենայ հայ-արժանթինական առեւտրատնտեսական ֆորում: Հանդիպման պիտի մասնակցի շուրջ 30 ձեռնարկատէր, որոնք շահագրգռուած են Արժանթինի հետ տնտեսական կապեր ստեղծելով: Այս մասին կը հաղորդէ Armenpress.am-ը` ըստ որուն` ՀՀ առեւտրաարդիւնաբերական պալատի գործադիր տնօրէն Արայիկ Վարդանեան նշած է, որ Հոկտեմբեր 19-ին պալատին մէջ իրականացուելիք ֆորումին պիտի մասնակցի նաեւ Հայաստանի մօտ Արժանթինի արտակարգ եւ լիազօր դեսպան Տիեկօ Էռնեսթօ Ալվարես Ռիւերան: «Դեսպանը կը ներկայացնի իրենց երկրի տնտեսական վիճակը, ինչպէս նաեւ այն բիզնես ոլորտները, որտեղ կարող է ծաւալուել համագործակցութիւն Հայաստանի հետ»,- ըսած է Վարդանեան: Անոր խօսքով` առեւտրաարդիւնաբերական ոլոտին մէջ մեր համագործակցութիւնը Արժանթինի հետ այնքան աշխոյժ չէ, քանի որ այդ երկիրը բաւական հեռու է Հայաստանէն:

«Այնտեղից ապրանք բերելը կամ ուղարկելը, ի հարկէ, հնարաւոր է, եւ այս առումով տնտեսական կապ կայ, սակայն հանդիպման միջոցով մենք դեսպանի օգնութեամբ ցանկանում ենք ամրապնդել մեր տնտեսական կապերը, իրականացնել փորձի փոխանակում»,- նշած է պալատի գործադիր տնօրէնը: Ան նաեւ աւելցուցած է, որ յառաջիկային կը նախատեսուի նման ձեւաչափի հանդիպում իրականացնել նաեւ Արժանթինի մէջ: «Գործարարներին առաջին հերթին տեղեկատուութեան պակասն է խանգարում, ինչն էլ մենք փորձում ենք լրացնել»,- աւելցուցած է Վարդանեան:

Մինչեւ 2012-ի աւարտը ՀՀ առեւտրաարդիւնաբերական պալատը հանդիպումներ պիտի ունենայ նաեւ զուիցերիացի գործընկերներու հետ: Դեկտեմբերին պալատի ներկայացուցիչները պիտի այցելեն Գերմանիա` այնտեղի առեւտրաարդիւնաբերական պալատի հրաւէրով, ուր տեղի պիտի ունենայ քննարկում նուիրուած փոքր ՀԵԿ-երուն: Վարդանեան նաեւ աւելցուցած է, որ Հայաստանի համագործակցութիւնը առեւտրաարդիւնաբերական ոլորտին մէջ յատկապէս սերտ է Եւրոմիութեան կազմին մէջ գտնուող երկիրներու հետ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL