Հայ-Ամերիկեան Աշխատանքային Խումբի Հանդիպման Առեւտուրի եւ Ներդրումներու Հարցեր Պիտի Քննարկուին

Տնտեսական համագործակցութեան հարցերով հայ-ամերիկեան աշխատանքային խումբին հերթական հանդիպումը տեղի պիտի ունենայ Հոկտեմբեր 18-ին: Այս մասին կը յայտնեն Հայաստանի մէջ ԱՄՆ դեսպանատունէն:

ԱՄՆ պետական քարտուղարութեան պատուիրակութիւնը, որուն կազմին մէջ ներառուած են ներկայացուցիչներ ԱՄՆ միջուկային կարգաւորման յանձնաժողովէն, Առեւտուրի ներկայացուցիչի գրասենեակէն եւ Միջազգային զարգացման գործակալութենէն, պիտի գլխաւորեն ԱՄՆ պետական փոխքարտուղարի տեղակալ Էրիք Ռուպինը եւ ԱՄՆ կառավարութեան աջակցութեան ծրագրերու համակարգող Տէնիել Ռոզէնպլիւմը:

Այս տարի նաեւ կը նշուի հայ-ամերիկեան յարաբերութուններուն 20-ամեակը: Հայ-ամերիկեան աշխատանքային խումբի գործունէութիւնը երկու երկիրներուն միջեւ տեւական ու ամուր կապերու վառ օրինակ է: Այս տարուան հանդիպման ընթացքին ուշադրութեան կեդրոնին պիտի ըլլան առեւտուրի ու ներդրումներու խթանումը եւ ուժանիւթի ոլորտին մէջ համագործակցութեան մեծացման հնարաւորութիւնները:

Նշենք, որ 1999-ին ձեւաւորուած Հայ-ամերիկեան աշխատանքային խումբը կ’ունենայ ամենամեայ հանդիպումներ, որոնք հնարաւորութիւն կու տան քննարկելու տնտեսական կապերը խորացնելու ուղիները եւ հարթակ կ’ապահովեն առեւտուրին ու ներդրումներուն վերաբերող հարցերը քննարկելու համար:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL