Երուսաղէմի Հայ Դատի Յանձնախումբը Իսրայէլի Ձեւաւորուելիք Խորհրդարանին Հետ Յոյսեր Կը Կապէ

Երուսաղէմի Հայ Դատի յանձնախումբը յոյսեր կը կապէ Իսրայէլի ընտրուելիք խորհրդարանին` Քնեսէթի հետ: Այս մասին կը տեղեկացնէ Երուսաղէմի Հայ Դատի յանձնախումբի պատասխանատու Յակոբ Սեւան:

Հայ Դատի յանձնախումբի պատասխանատուին խօսքով` Հայոց Ցեղասպանութիւնը ճանչցող բանաձեւին ընդունումը արդէն կախուած պիտի ըլլայ այն հանգամանքէն, թէ քաղաքական ուժերը ինչ յարաբերակցութեամբ ներկայացուած պիտի ըլլան նոր խորհրդարանին մէջ:

«Վերջին քննարկումներուն ժամանակ շարք մը պատգամաւորներ արտայայտուեցան ի նպաստ Հայոց Ցեղասպանութեան ճանաչման: Յոյս ունենանք, որ վերընտրուելու պարագային դրական տեղաշարժ պիտի ըլլայ ճանաչման ուղղութեամբ»,- յայտնեց Յակոբ Սեւան:

Նշենք, որ Իսրայէլի Քնեսէթը Հոկտեմբեր 15-ին հաստատած է խորհրդարանի ինքնարձակման եւ վաղաժամ ընտրութիւններու նշանակման մասին կառավարութեան ներկայացուցած օրինագիծը: Ինքնարձակման միաձայն հաւանութիւն տուած են ներկայ գտնուող բոլոր 100 խորհրդարանականները: Պատգամաւորները հաստատած են Քնեսէթի նոր ընտրութիւններու իրականացման ամսաթիւը. անիկա պիտի կայանայ 22 Յունուար 2013-ին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>