ՍՈՒՐԻՈՅ ԸՆԴԴԻՄՈՒԹԻՒՆԸ ՊԱՏՐԱՍՏ Է ՅԱՐԳԵԼՈՒ ԻՊՐԱՀԻՄԻԻ ԾՐԱԳԻՐԸ

Սուրիոյ ընդդիմութիւնը իր հաւանութիւնը տուաւ ՄԱԿ-ի եւ Արաբական Լիկայի պատուիրակ Լախտար Իպրահիմիի հաշտութեան  ծրագիրին:  Սուրիոյ  ընդդիմութեան ներկայացուցիչներէն Ապտէլ Պասիթ Սիտա ըսաւ, թէ պատրաստ են  դադրեցնելու կրակը, եթէ   կառավարական ուժերը յարգեն  զինադադարը:  

   Հռոմի Պենետիքթոս 16-րդ Պապը  եօթ հոգեւոր ծառայողներէ բաղկացած պատուիրակութիւն մը պիտի  ուղարկէ  Դամասկոս՝ իբրեւ զօրակցութիւն սուրիացի ժողովուրդին: Վատիկանի երկրորդ դէմքը՝ Գարտինալ  Թարսիսիօ Պերթոնէ  յայտնեց, թէ  պատուիրակութիւնը Սուրիա պիտի մեկնի յառաջիկայ  շաբաթ, եթէ մինչ այդ  աւարտէ անհրաժեշտ նախապատրաստութիւնները:  ՄԱԿ-ի  կից Մարդու  Իրաւունքներու խորհուրդի նախագահ Փաոլօ Փինոյրօ  նախազգուշացուց Սուրիոյ մէջ արմատական եւ օտարերկրեայ զինեալներու աճէն:  Ան ըսաւ, թէ   արմատական  իսլամիստներու ներկայութիւնը կը սպառնայ  Սուրիոյ անվտանգութեան:

  Միւս կողմէ, Թուրքիոյ վարչապետ Ռեճէպ Թայիփ Էրտողան յայտարարեց, թէ  Սուրիոյ տագնապին վերաբերեալ եռակողմ բանակցութիւններ վարելու համաձայնութիւն մը  գոյացուցած է  Իրանի նախագահ  Մահմուտ Ահմետինեճատի հետ: Ըստ Էրտողանի ,եռակողմ համակարգը պիտի ներկայացնեն Եգիպտոսը, Թուրքիան եւ Իրանը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>