ՕՊԱՄԱ ՅԱՂԹԱԿԱՆ ԴՈՒՐՍ ԵԿԱՒ ԵՐԿՐՈՐԴ ԲԱՆԱՎԷՃԷՆ

Լրագրողներու եւ քաղաքական   մեկնաբաններու կարծիքով,  Օպամա  յաղթանակով դուրս եկած է նախագահական ընտրութիւններու երկրորդ բանավէճէն: Միացեալ Նահանգներու   նախագահական ընտրութիւններու  բանավէճի երկրորդ հանգրուանը սկսաւ  գործազրկութեան  տագնապի  քննարկմամբ:  Ռոմնի խոստացաւ նախագահ  ընտրուելու պարագային, չորս տարուան ընթացքին ստեղծել 12 միլիոն աշխատատեղ: Օպամա  խոստացաւ ինք  եւս աշխատատեղեր ստեղծել:

Ռոմնի  պահանջեց, որ  Միացեալ Նահանգներ դադրի աշխատանք տալ ապօրինաբար  ներգաղթողներուն:  Միացեալ Նահանգներու  նախագահ  Պարաք Օպամա դարձեալ վերստանձնեց  Հանրապետական  Կուսակցութեան   նախագահի թեկնածու Միթ Ռոմնիի դէմ վայելած առաւելութիւնը:  Ներկայիս   Օպամային պատրաստ են սատարելու ընտրողներուն  46 առ հարիւրը: Ռոմնիի կողմնակիցները կը գնահատուին 43 առ հարիւր: Ռոմնի՝ Օպաման մեղադրեց  նաւթային ընկերութիւնները պաշտպանելու եւ  ոչ՝  սովորական, պարզ եկամուտով ամերիկացի քաղաքացիներու շահերը պաշտպանելու  համար:  Իր կարգին, Օպամա ըսաւ, թէ Ռոմնիի տնտեսական ծրագիրը կը յենի  նաւթի եւ կազի վրայ, սակայն կ’անտեսէ  կենսոլորտի մաքրութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL