«Հայաստան» Հիմնադրամը Աւարտած է Ուխտաձոր Գիւղի Խմելու Ջուրի Համակարգին Վերակառուցումը

 «Հայաստան» համահայկական հիմնադրամի Ֆրանսայի տեղական մարմինի եւ ԼՂՀ կառավարութեան համաֆինանսաւորմամբ աւարտած է ԼՂՀ Հադրութի շրջանի Ուխտաձոր գիւղի խմելու ջուրի համակարգի վերակառուցման ծրագիրը:

Շուրջ 500 տարի առաջ հիմնուած այս սահմանամերձ գիւղին մօտ 345 բնակիչի համար խմելու որակեալ ջուրն ու շուրջօրեայ ջրամատակարարումը թիւ 1 խնդիրն էր գիւղի բազմաթիւ այլ խնդիրներու շարքին: 50-ականներուն կառուցուած եւ արդէն անմխիթար վիճակի մէջ յայտնուած համակարգը ունէր ջուրի մեծ կորուստ եւ, լաւագոյն պարագային, բնակիչները օրական կը ստանային երկու ժամ ջուր:

Ծրագիրին ծիրէն ներս երկու ջրամբարներէն մէկը վերակառուցուած է, միւսը` վերանորգուած: Վերակառուցուած է նաեւ գիւղէն շուրջ 4 քմ հեռու գտնուող ջրաղբիւրը, որուն շնորհիւ նուազած է ջուրի կորուստն ու մեծցած ջրաքանակը: Գիւղի` զարգացման առաւել մեծ հեռանկար ունեցող թաղամասին մէջ իրականացած է ջրագիծ, որ արդէն ունի կանոնաւոր ջրամատակարարում:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button