Հալէպի Քաղաքապետը Շնորհակալութիւն Յայտնած է Հայաստանին Մարդասիրական Օգնութեան Համար

Հայաստանէն Հալէպ ուղարկուած մարդասիրական օգնութեան ծանրոցները արդէն սկսած են տեսակաւորուիլ` կարիքաւոր սուրիացիներուն բաժնուելու նպատակով: Այս մասին կը հաղորդէ Armenpress.am-ը` վկայակոչելով սուրիական ՍԱՆԱ գործակալութիւնը:

Հալէպի քաղաքապետ Մուհամմատ Ուահիտ Աագատ յայտարարած է, որ այս օգնութիւնը կ’ապացուցէ երկու երկիրներու միջեւ բարեկամական յարաբերութիւններու առկայութեան մասին: Քաղաքապետը շնորհակալութիւն յայտնած է Հայաստանին եւ հայ ժողովուրդին` Սուրիոյ ժողովուրդին հանդէպ ցուցաբերած մարդասիրական օգնութեան համար:

Հալէպի մէջ «Կարմիր մահիկ» կազմակերպութեան տնօրէն Հայիլ Աասի նշած է, որ Հայաստանի դեսպանատան եւ ազգային առաջնորդարանի հետ համագործակցութեան իբրեւ արդիւնք առանձնացուած են բոլոր այն սուրիացի ընտանիքները, որոնց պիտի յատկացուին այդ ծանրոցները: Օգնութիւն պիտի ստանան բախումներուն հետեւանքով առաւելապէս տուժած ընտանիքները:

Նախապէս տեղեկութիւններ տարածուած էին, որ հայկական օգնութիւնը օդակայանէն տեղափոխուած էր «Արամ Մանուկեան» հայկական ակումբ, ուր ներկայ եղած են Բերիոյ թեմի առաջնորդ Շահան եպիսկոպոս Սարգսեան, Հալէպի մէջ Հայաստանի Հանրապետութեան գլխաւոր հիւպատոս Կարէն Գրիգորեան, ինչպէս նաեւ մեծ թիւով լուսանկարիչներ ու լրագրողներ:

Նշենք, որ Հոկտեմբեր 15-ին հայկական «Air Armenia» բեռնատար օդանաւը 14 թոն սննդամթերք տեղափոխած էր Հալէպ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>