Ղարաբաղեան Հակամարտութեան Կարգաւորումը Ռազմավարական Նշանակութիւն Ունի Եւրոպայի Անվտանգութեան Համար- Իտալիոյ Պաշտպանութեան Նախարար

 Իտալիա մեծ նշանակութիւն կու տայ ղարաբաղեան հակամարտութեան կարգաւորման: Այս մասին Հոկտեմբեր 17-ին Երեւանի մէջ տեղի ունեցած ասուլիսի ժամանակ յայտնած է Իտալիոյ Պաշտպանութեան նախարար Ճամփաոլօ Տի Փաոլա: Ան յիշեցուցած է, որ Իտալիա կը հանդիսանայ ԵԱՀԿ Մինսկի խումբի անդամ, որ կ’աջակցի Հայաստանին եւ Ատրպէյճանին հակամարտութեան կարգաւորման հարցով: Այս մասին կը հաղորդէ New.am-ը:

Իտալացի նախարարը ընդգծած է, որ այս հակամարտութեան կարգաւորումը ռազմավարական նշանակութիւն ունի ոչ միան տարածաշրջանի, այլ նաեւ ամբողջ Եւրոպայի անվտանգութեան համար:

Ճամփաոլօ Տի Փաոլա հակամարտութեան բոլոր կողմերուն կոչ ըրած է յարաբերութիւնները կառուցել վստահութեան հիման վրայ եւ հաւատարիմ մնալ բոլոր ժողովուրդներու բարօրութեան եւ բարգաւաճման նուիրուած Հելսինկեան ամփոփիչ արձանագրութեան:

Իտալիոյ Պաշտպանութեան նախարարը եռօրեայ այցով Հայաստան ժամանած է, որուն ծիրէն ներս նախօրէին տեղի ունեցած էր Տի Փաոլայի եւ Հայաստանի նախագահ Սերժ Սարգսեանի հանդիպումը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>