Հայ Երիտասարդները Համակարգչային Նոր Խաղեր Եւ Բջիջային Յաւելուածներ Ստեղծած Են

Հայաստանի մէջ համակարգչային խաղերու ստեղծումով հետաքրքրուողները Հոկտեմբեր 20-էն հնարաւորութիւն կ’ունենան տեսնել եւ խաղալ հայ երիտասարդներու կողմէ ստեղծուած համակարգչային խաղերը, բջիջային յաւելուածները` «Բաց խաղ» համակարգչային խաղերու եւ բջիջային յաւելուածներու նախագծման առաջնութեան ծիրէն ներս: Տեղեկատուական ճարտարագիտութիւններու ձեռնարկութիւններու միութենէն «Արմենփրես»-ին տեղեկացուցած են, որ առաջնութեան համար արձանագրուած էին 33 մասնակիցներ` 40 նախագիծերով, որոնցմէ եզրափակիչ փուլ անցած են 19 նախագիծեր` բջիջային յաւելուածներ, բջիջային խաղեր եւ համակարգչային խաղեր:

Առաջնութեան համար կը մասնակցին թէ գործող ընկերութիւններ, թէ պատանիներ, թէ արտերկրի մէջ ապրող հայեր, մասնաւորապէս ԱՄՆ-ի եւ Իրանի քաղաքացիներ: Մասնակից ընկերութիւններն են «Իքս-թեք» եւ «Վեպեքս թեքնոլոճիս» ընկերութիւնները:

«Ներկայում Հայաստանում գործում են համակարգչային խաղերի նախագծմամբ զբաղուող աւելի քան 10 ընկերութիւններ: Կարծում ենք` առաջնութեան մասնակիցների մի մասը կը համալրի այդ ընկերութիւնների աշխատակիցների թիւը, իսկ մի մասն էլ կը ստեղծի սեփական պիզնեսը տուեալ ոլորտում»,- նշած է Տեղեկատուական ճարտարագիտութիւններու ձեռնարկութիւններու միութեան (ՏՃՁՄ) գործադիր տնօրէն Կարէն Վարդանեան:

Առաջնութեան եզրափակիչ փուլը տեղի պիտի ունենայ Հոկտեմբեր 20-ին: «Գեղագիտութեան ազգային կեդրոն» մանկական ստեղծագործութեան թանգարանին մէջ: Նոյն օրը պիտի ամփոփուին առաջնութեան արդիւնքները, պիտի յայտարարուին «Լաւագոյն խաղ», «Լաւագոյն բջիջային խաղօ, «Լաւագոյն սենար», «Լաւագոյն ձեւաւորում», «Նորարարութիւն», «Լաւագոյն ընկերային բջջ. Յաւելուած», «Լաւագոյն ժամանցային յաւելուած», «Լաւագոյն հաղորդակցութիւն յաւելուած» եւ «Պատանիներու առաջնութիւն» անուանակարգերուն համար յաղթողներուն անունները եւ պիտի շնորհուին մրցանակներ:

Կարդացէք նաև

ՆԱԽԱԳԱՀ ՍԸԼԷՅՄԱՆ ԿԸ ՊԱՀԱՆՋԷ ԲԱՑԱՅԱՅՏԵԼ ԻՐԱՆԻ ԴԵՍՊԱՆԱՏԱՆ ՄՕՏ ՊԱՏԱՀԱԾ ՄԻՋԱԴԷՊԻՆ ՄԱՆՐԱՄԱՍՆՈՒԹՒԻՆՆԵՐ...
ՄԱՄԵՏԻԱՐՈՎ ՀԱՆԴԻՊՈՒՄ ՄԸ ՈՒՆԵՑԱՒ ԵԱՀԿ-Ի ԸՆԴՀԱՆՈՒՐ ՔԱՐՏՈՒՂԱՐԻՆ ՀԵՏ
ՆԱԽԱԳԱՀ ՍԱՐԳՍԵԱՆ ԵՒՐՈՊԱԿԱՆ ՄԻՈՒԹԵԱՆ ՆԵՐԿԱՅԱՑՈՒՑԻՉԻՆ ՓՈԽԱՆՑԵՑ ՍԱՀՄԱՆԱԳԻԾԻ ՄԻՋԱԴԷՊԻՆ ԿԱՊԱԿՑՈՒԹԵԱՄԲ ...
ԴԱՄԱՍԿՈՍԻ ՀԱՅ ԿԱԹՈՂԻԿԷ ՎԱՐԺԱՐԱՆԸ ՌՄԲԱԿՈԾՈՒԹԵԱՆ ԹԻՐԱԽ՝ 57 ՎԻՐԱՒՈՐ (ԹԱՐՄԱՑՈՒԱԾ)
Աւստրիան Կարեւոր Ներդրում Կատարեց Մարդկութեան Դէմ Յանցագործութիւններու Կանխարգիլման Վեհ Գործին. ԱԳ ն...

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button