ՀՀ Պաշտպանութեան Նախարարը Ընդունած է Իտալիոյ ՊՆ Գլխաւորած Պատուիրակութիւնը

ՀՀ պաշտպանութեան նախարար Սէյրան Օհանեան Հոկտեմբեր 17-ին ընդունած է Իտալիոյ Հանրապետութեան պաշտպանութեան նախարար Ճիամբաոլօ Տի Փաոլայի գլխաւորած պատուիրակութիւնը: Այս մասին կը հաղորդէ Armenpress.am-ը:

Երկու երկիրներու նախարարները քննարկած են պաշտպանական բնագաւառի մէջ հայ-իտալական երկկողմ համագործակցութեան ու տարածաշրջանային անվտանգութեան առնչուող հարցեր: Քննարկումէն ետք կը նախատեսուի «ՀՀ կառավարութեան եւ Իտալիոյ Հանրապետութեան կառավարութեան միջեւ պաշտպանութեան ոլորտին մէջ համագործակցութեան մասին» համաձայնագիրի ստորագրում, որուն պիտի յաջորդէ նախարարներուն ճեպազրոյցը:

Նախագահ Սերժ Սարգսեան Հոկտեմբեր 16-ին ընդունած է Իտալիոյ պաշտպանութեան նախարար, ծովակալ Ճիամբաոլօ Տի Փաոլան: Նախագահը ողջունած է նախարար Ճիամփաոլօ Տի Փաոլայի այցը մեր երկիր եւ ընդգծած, որ Հայաստանը կարեւոր կը համարէ Իտալիոյ հետ բազմաշերտ համագործակցութիւնը, ներառեալ` պաշտպանութեան բնագաւառին մէջ երկկողմ կապերու ամրապնդումը: Իտալիոյ պաշտպանութեան նախարարը նշած է, որ հայ ժողովուրդի պատմութեան ու մշակոյթին քաջածանօթ է Վենետիկի Սուրբ Ղազար կղզին մէջ պահուող արժէքաւոր աշխատութիւններէն եւ շատ տպաւորուած է համաշխարհային քաղաքակրթութեան մէջ հայերուն ունեցած մեծ ներդրումով:

Իտալիոյ Հանրապետութեան պաշտպանութեան նախարար Ճիամբաոլօ Տի Փաոլայի գլխաւորած պատուիրակութիւնը Հայաստան կը գտնուի եռօրեայ այցով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>