Արաքս Մանսուրեան Լոս Անճելըսի եւ Երեւանի Մէջ Պիտի Ներկայացնէ Կոմիտասի Ստեղծագործութիւնները

 ՀՀ գլխաւոր հիւպատոսութեան նախաձեռնութեամբ Հոկտեմբեր 17-ին Լոս Անճելըսի Իրանահայերու միութեան դահլիճին մէջ ելոյթ պիտի ունենայ օփերային մեներգչուհի Արաքս Մանսուրեան: Այս մասին կը հաղորդէ PanArmenian.net-ը:

Աշխարհահռչակ երգչուհին իր ուսանողուհիի` Լիզա Պելլի հետ միասին պիտի ներկայացնէ Կոմիտասի ստեղծագործութիւնները:

Օփերային երգչուհիները Նոյեմբեր 2-ին համերգով հանդէս պիտի գան նաեւ Երեւանի մէջ` Հայաստանի Պետական ֆիլհարմոնիկ նուագախումբին հետ համատեղ:

Նշենք, որ Արաքս Մանսուրեան ելոյթներ ունեցած է Հայաստանի Օփերայի եւ պալէի ազգային ակադեմիական թատրոնին մէջ` իբրեւ մեներգչուհի, ինչպէս նաեւ Թիֆլիսի օփերային թատրոնին, Թումանեանի ծննդավայր Լոռիի, իսկ 1989-ին` ԱՄՆ-ի մէջ: Բազմիցս մենահամերգներ ունեցած է Հայաստանի եւ արտասահմանեան շարք մը երկիրներու մէջ` ծրագիրին մէջ եւրոպական երգահաններու կողքին ունենալով Կոմիտաս, հոգեւոր միջնադարեան երգեր, հայ երգահաններու ստեղծագործութիւններ:

Ներկայիս օփերային երգչուհին կը բնակի Աւստրալիա եւ կը հանդիսանայ “Սիտնի Օպերա Հաուս”-ի մենակատարը: Անոր շնորհիւ բազմաթիւ օտար երիտասարդ երգիչներու երգացանկինմէջ տեղ գտած են Կոմիտասի, Կանաչեանի, Մելիքեանի, Սպենդիարեանի եւ այլ հայ երաժիշտներու ստեղծագործութիւններ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button