Մանկապատանեկան Շարժանկարներու 8-րդ Միջազգային Փառատօնը Երեւանի եւ Մարզերու Մէջ

0
39

Երեւանի մէջ Հոկտեմբեր 20-24 եւ ՀՀ մարզերուն մէջ Հոկտեմբեր 30-ին տեղի պիտի ունենայ Մանկապատանեկան շարժանկարներու 8-րդ միջազգային փառատօնը: Այս մասին, ըստ Panorama.am-ի, այսօր կայացած ասուլիսին յայտարարած է փառատօնի նախագահ Նունէ Մանուկեան:

Նշենք, որ փառատօնի կազմակերպիչն է «Ռոլան Բիկով» հիմնադրամը` ՀՀ նախագահի եւ մշակոյթի նախարարութեան աջակցութեամբ:

«Մեր կինոփառատօնը կարող ենք անուանել կինոֆորում: Անդրկովկասում միակ կինոֆորումն է, որն ունի երեք ուղղուածութիւն` մշակութային, կրթական ու սոցիալական»,- ըսած է Ն. Մանուկեան: Ան նշած է, որ իրենք ստացած են մօտ 800 յայտ 40 երկրէ, սակայն ընտրած են 105 շարժանկար 27 երկրէ:

Ժիւրիի կազմին մէջ, բացի հայ երեխաներէն, նաեւ ընդգրկուած են պատանիներ Չինաստանէն, Ուքրանիայէն, Պելառուսիայէն, Ռուսաստանէն եւ Վրաստանէն: Մանկապատանեկան ժիւրիի կազմին մէջ այս տարի պիտի աշխատին նաեւ Սուրիայէն ժամանած երեխաները:

Փառատօնի մրցութային անուանակարգերն են` «Խաղարկային ֆիլմեր», «Լիամեթրաժ անիմացիոն ֆիլմեր», «Կարճամեթրաժ անիմացիոն ֆիլմեր», «Ես իրաւունքներ ունեմ», «Ամէն ինչ երեխաների կողմից»:

Փառատօնին ծիրէն ներս պիտի իրականացուին հետեւեալ ծրագրերը` «Դու մենակ չես… Միասին կը յաղթենք….», «Fս ձեզանից մէկն եմ», «Կինոսարդ: Մանու Պիլոտ 2012» ծրագրերը:

LEAVE A REPLY

Please enter your comment!
Please enter your name here