«Սիվիլիթաս»-ը Հանթսմաններու Նամակը Կը Ներկայացնէ

«Սիվիլիթաս» հիմնադրամը հաղորդագրութիւն տարածած է` ներկայացնելով Հանթսմաններու նամակին հայերէն թարգմանութիւնը:

«Որոշ լրատուամիջոցներու մէջ լուր տարածուած է, թէ «Սիվիլիթաս» հիմնադրամը կանոնադրական նպատակներու իրականացման համար բարեգործ Ճոն Հանթսմանի յատկացուցած գումարներուն վերաբերեալ Հանթսմաններէն ստացած մեկնաբանութիւնը կը թաքցնէ:

Հանթսմաններու կողմէ ստացուած, անոնց ցանկութիւնը վերահաստատող նամակը հրապարակուած էր Հոկտեմբեր 1-ին, բաժնուած էր Ազգային ժողովի մէջ` ինչպէս պատգամաւորներուն, այնպէս ալ լրատուամիջոցներու ներկայացուցիչներուն, տրամադրուած էր գլխաւոր դատախազութեան ու Ազգային անվտանգութեան ծառայութեան: Այդ նամակի հայերէն թարգմանութիւնը կը ներկայացնենք ստորեւ.

«Սոյն նամակով Հանթսման Ինթըրնէյշընըլ ԼԼՍ եւ Պոլիմեր Մաթերիալս Ինկ-ի անունով կը վերահաստատենք մեր նախորդ խնդրանքը, որ Հանթսման Պիլտինկ Փրոտաքթս ԼԼՍ-ի բաժնետոմսերու վաճառքէն ստացուած հասոյթը (որուն ընդհանուր զուտ գումարը, մենք կը հասկնանք` կազմած է $1,427,000) փոխանցուի «Սիվիլիթաս» հիմնադրամին` անոր բարեգործական նպատակներու օգտագործման համար` հիմնադրամի հիմնադիր եւ խորհուրդի նախագահ պրն Վարդան Օսկանեանի միջոցով` անոր սեփական հայեցողութեամբ, առանց վերջնաժամկէտներու, որ, մենք հասկնանք, հիմնադրամի անունով այդ միջոցները ի պահ դրուած է իր մօտ եւ կը շարունակէ պահել այս միջանկեալ ժամանակաhատուածին»:

Նամակին բնօրինակը, ինչպէս նաեւ «Սիվիլիթաս»-ի գործին առնչուող միւս փաստաթուղթերը կարելի է գտնել «Սիվիլիթաս» հիմնադրամի կայքին մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>