ԼԻԲԱՆԱՆ ԻՐ ԶՕՐԱԿՑՈՒԹԻՒՆԸ ԿԸ ՅԱՅՏՆԷ ԻՊՐԱՀԻՄԻԻ ԾՐԱԳԻՐԻՆ

Լիբանանի հանրապետութեան նախագահ  Միշէլ Սըլէյման Պաապտայի պալատին մէջ ընդունեց Սուրիոյ  հարցով ՄԱԿ-ի եւ Արաբական Լիկայի բանագնաց Լախտար Իպրահիմին:  Սըլէյման մաղթեց, որ  երկխօսութեան ճանապարհով  եւ զինուորական  արտաքին միջամտութիւններէ  հեռու   պայմաններու տակ  կը կարգաւորուի  Սուրիոյ հակամարտութւինը:  Սըլէյման դիտել տուաւ, որ  Սուրիոյ  տագնապին շարունակութիւնը ժխտական անդրադարձ պիտի ունենայ  անոր սահմանակից երկիրներուն վրայ: Ան  նաեւ մաղթեց  լուծում գտնել  սուրիացի  գաղթականներուն դիմագրաւած դժուարութիւններուն:  Լիբանանի հանարապտետութեան նախագահը կտրականապէս մերժեց  լիբանանաեան հողերուն վրայ  սուրիացի  զինեալներու համար  ապահովական մեկուսացեալ գօտնիերու ստեղծումը:  Սըլէյման  մաղթեց,որ  յաջողութեամբ  կը պսակուի  Իպրահիմիի առաքելութիւնը:

 Իպրահիմի  նաեւ այցելութիւն մը տուաւ վարչապետ Նեժիպ Միքաթիին: Հանդիպումէն  ետք  Արաբական լիկայի  ե ՄԱԿ-ի պատուիրակը  մամլոյ ասուլիս մը կնքեց վարչապետարանին մէջ եւ յայտնեց, թէ  կ’աշխատի  Ատհայի տօնէն առաջ  զինադադար մը գոյացնել Սուրիոյ մէջ:  Իպրահիմի   հերքեց  Հըզպալլայի կողմէ   սուրիական իշխանութիւններուն  ցուցաբերուած  օժանդակութիւններուն մասին տեղեկութիւնները: Իր  կարգին, վարչապետ Նեժիպ Միքաթի յայտնեց, թէ  ինքնազսպումի քաղաքականութիւնը գետին շահած է արաբական եւ միջազգային բեմահարթակներու  վրայ: Միքաթի  քաղաքական լուծում մը մաղթեց Սուրիոյ  հակամարտութեան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button