ՄԱԿ-ի Մէջ Ղարաբաղը Պատասխանած Է Ատրպէյճանին

 ՄԱԿ-ի Գլխաւոր ժողովի եւ Անվտանգութեան խորհուրդին մէջ տարածուած է Լեռնային Ղարաբաղի Հանրապետութեան արտաքին գործոց նախարարութեան պատասխանը՝ ՄԱԿ-ի մէջ Ատրպէյճանի ներկայացուցիչի նամակներուն, որոնք կը վերաբերին 2012-ի Յուլիս 19-ին կայացած ԼՂՀ նախագահական ընտրութիւններուն:
Փաստաթուղթին մէջ կը նշուի, որ «ազատ եւ թափանցիկ կամարտայայտման հիման վրայ պետական կառոյցների ձեւաւորումը դարձել է հանրապետութեան քաղաքական մշակոյթի անքակտելի մասը»:

Պատասխանին մէջ կը նշուի այն, որ Լեռնային Ղարաբաղի մէջ կայացած նախագահական ընտրութիւնները քայլ մը եւս կը հանդիսանան երկրին մէջ ժողովրդավարական աւանդոյթներու եւ համընդհանուր արժէքներու ամրապնդման ճամբուն վրայ, ինչ որ կը հաստատուի միջազգային դիտորդներու, որոնց կարգին Եւրոպական խորհրդարանի պատգամաւորներու, լրագրողներու եւ հասարակական գործիչներու կողմէ տրուած բարձր գնահատականներով:  

ՄԱԿ-ի մօտ Ատրպէյճանի մնայուն ներկայացուցիչ Ակշին Մեհտիեւ նամակով մը դիմած էր ՄԱԿ-ի Ապահովութեան Խորհուրդին՝ Ստեփանակերտի օդակայանի օգտագործման ուղղութեամբ առնուող քայլերուն կապակցութեամբ:
Ըստ Ատրպէյճանի արտաքին գործոց նախարարութեան բանբեր Էլման Ապտուլլայեւի՝ նամակին մէջ պնդած էր, թէ Ստեփանակերտի օդակայանը օգտագործելու հայկական ջանքերը ապօրինի են, կ՛ոտնակոխեն միջազգային օրէնքները եւ վնաս կը հասցնեն շրջանին մէջ խաղաղութիւն հաստատելու աշխատանքներուն, որովհետեւ օդակայանը կը գտնուի «Ատրպէյճանի տարածքէն ներս», որ ներկայիս «բռնագրաւուած է հայկական զինեալ ուժերուն կողմէ»:
Նամակին մէջ նաեւ կոչ եղած է Ապահովութեան խորհուրդին, որ այս մասին տեղեակ պահէ ՄԱԿ-ի անդամ բոլոր երկիրները՝ անոնցմէ խնդրելով, որ նշեալ օդակայանը չօգտագործեն, ու յիշեցնելով, թէ Ատրպէյճան արտօնութիւն չէ տուած, որ Ստեփանակերտի օդակայանը օգտագործուի:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button