ՀՀ ԱԺ Աշխատակազմի եւ ԵԱՀԿ Երեւանեան Գրասենեակի Միջեւ Կնքուած Համագործակցութեան Յուշագիրը Կեանքի Կը Կոչուի

ՀՀ Ազգային ժողովի նախագահ Յովիկ Աբրահամեան Հոկտեմբեր 17-ին ընդունած է ԵԱՀԿ երեւանեան գրասենեակի ղեկավար, Տէբան Անտրէյ Սորոգինը: Այս մասին կը հաղորդեն ՀՀ ԱԺ մամուլի եւ տեղեկատւութեան միջոցներու հետ կապերու բաժինէն:

ԱԺ նախագահը կարեւոր համարած է ԵԱՀԿ գրասենեակի գործունէութիւնը Հայաստանի մէջ` նշելով, որ մեր երկիրը մեծապէս կարեւոր կը համարէ համագործակցութիւնը ԵԱՀԿ-ի հետ, ինչպէս նաեւ կազմակերպութեան աջակցութիւնը մեր երկրին մէջ ընթացող ժողովրդավարական բարեփոխումներու գործընթացին: ԱԺ նախագահը ողջունած է ԵԱՀԿ երեւանեան գրասենեակի ներգրաւուածութիւնը եւ անոր աջակցութիւնը ՀՀ օրէնսդրութիւնը եւրոպական չափանիշներուն համապատասխանեցնելու գործին մէջ: Խորհրդարանի ղեկավարը բարձր գնահատած է Ազգային ժողովի եւ ԵԱՀԿ երեւանեան գրասենեակի միջեւ արդիւնաւէտ համագործակցութիւնը` գոհունակութեամբ փաստելով, որ անիկա դրուած է լաւ հիմքերու վրայ, որ տարիներու ընթացքին տուած է իր դրական արդիւնքները:

Այս ենթահողէն ներս կարեւոր համարուած է ՀՀ Ազգային ժողովի աշխատակազմի եւ ԵԱՀԿ երեւանեան գրասենեակի միջեւ կնքուած Համագործակցութեան յուշագիրը, որ արդէն յաջողութեամբ կ’իրականացուի տարբեր ուղղութիւններով:

Անտրղյ Սորոգին նոյնպէս կարեւոր համարած է ԵԱՀԿ-Ազգային ժողով փոխգործակցութիւնը եւ ԱԺ նախագահին ներկայացուցած է յետագայ համագործակցութեան վերաբերող շարք մը հարցեր: Հանդիպման ընթացքին կողմերը քննարկած են տարածաշրջանային խնդիրներուն առնչուող եւ երկուստէք հետաքրքրութիւն ներկայացնող այլ հարցեր եւս:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>