Թուրք-Սուրիական Լարուածութիւնը չի Մեղմանար. Ատհայի Տօնին ՙԽաղաղ Զինադադա՚ր կը Սպասուի

Լարուածութիւնը չի մեղմանար թուրք-սուրիական սահմանի կարգ մը շրջաններու մէջ: Ամենաթէժ կէտը Թուրքիոյ սահմանին գտնուող Իտլիպ քաղաքն է, ուր Սուրիոյ կանոնաւոր զօրքերը կը պահեն պաշտպանութիւնը Ուատի Թէյֆ մեծ ռազմայանի մէջ:Այս մասին կը յայտնէ ԻԹԱՌ ԹԱՍՍ-ը։

Դամասկոս-Հալէպ ռազմավարական մայրուղիի հսկողութիւնը, զոր ապստամբները փակած են հիւսիսային մայրաքաղաքէն 60 քմ հեռաւորութեան վրայ Մաարաթ-Նուման շրջանի մէջ, վերականգնելու փորձերը դեռ չեն յաջողած։ Ռազմական հրամանատարութիւնը կը ներգրաւէ օդային տարածքը: Վերջին օրերուն Սուրիական ազատ բանակի գրոհայիններու դիրքերու ուղղութեամբ իրականացուած է 29 թռիչք:

Սուրիա յոյսեր կը կապէ Միաւորուած ազգերու կազմակերպութեան (ՄԱԿ) եւ Արաբական պետություններու լիկայի համատեղ յատուկ ներկայացուցիչ Լախտար Պրահիմի տարածաշրջանային այցին եւ յոյս ունի, որ անոր արդիւնքը կը դառնայ «կառուցողական նախաձեռնութեան դրսեւորումը, որ վերջ պիտի դնէ պատերազմին՚:

Ալճիրցի դիւանագէտը առաջարկած է սկիզբի համար յայտարարել «խաղաղ զինադադար» Հոկտեմբեր 26-ին նշուող Ատհայի զոհաբերութեան իսլամական տօներուն առիըով արձակուրդներու շրջանին։

ՍԱՆԱ-ի հաղորդմամբ, Սուրիոյ արտաքին գործոց նախարարութեան բանբեր Ժիհատ Մաքտիսի յայտնած է, որ սուրիական կողմը կը սպասէ Իպրահիմիի այցելութեան արդիւնքները լսելու. այցելութիւն այնպիսի երկիրներ, որոնք «զինեալ խմբաւորումներուն վրայ բացայայտ ազդեցութիւն ունին»` յոյս յայտնելով, որ Իպրահիմի «իրեն հետ այդ երկիրներէն կը բերէ որեւէ շինիչ նախաձեռնութեան յաջողութեան առաջնորդող բան մը»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button