Պասքէթպոլի Փառատօն` Երեւանի Մէջ

0
59

ՀՀ սփորթի եւ երիտասարդութեան հարցերով նախարարութեան եւ Հայաստանի պասքէթպոլի ֆետերասիոնին աջակցութեամբ` Երեւանի մէջ Հոկտեմբեր 22-29 տեղի պիտի ունենայ պատանիներու եւ պարմանիներու պասքէթպոլի փառատօն: Այս մասին Armenpress.am-ին յայտնած է պասքէթպոլի ֆետերասիոնի փոխնախագահ Վահագն Յովհաննիսեան:

Անոր խօսքով` փառատօնին պիտի մասնակցի տղոց 19 եւ աղջիկներու 14 խումբ` հանրապետութեան բոլոր մարզերէն, ներառեալ` Արցախէն: Ստեփանակերտէն փառատօնին պիտի մասնակցի աղջիկներու եւ տղաներու մէկական խումբ:

Հանդիպումները պիտի կայանան Երեւանի “Գրանդ սպորտ” համալիրի դահլիճին մէջ: Փառատօնը պիտի ունենայ շարունակական բնոյթ. այս տարի պասքէթպոլի փառատօնին պիտի մասնակցին 1998-1999-ի ծնած պատանիներն ու պարմանիները:

LEAVE A REPLY

Please enter your comment!
Please enter your name here