Աշնանային Զօրակոչի Մասին ՀՀ Կառավարութիւնը Որոշում Ընդունեց

0
4

2012-ի աշնանային զօրակոչը պիտի ընթանայ ՀՀ օրէնսդրութեամբ սահմանուած կարգով` Հոկտեմբեր-Դեկտեմբերի ընթացքին: Ըստ News.am-ի` ՀՀ կառավարութիւնը այսօր որոշում ընդունած է աշնանային զօրակոչի եւ զօրացրման կազմակերպման մասին` հիմք ընդունելով հանրապետութեան նախագահին հրամանագիրը:

«Զինապարտութեան մասին» ՀՀ օրէնքի 11-րդ յօդուածին համաձայն` պարտադիր զինուորական ծառայութեան կը զօրակոչուին 18-27 տարեկան արական սեռի զօրակոչիկները, որուն հիման վրայ շարքային կազմի զօրակոչը եւ զօրացրումը կը կատարուի Հանրապետութեան նախագահի հրամանագրով` տարին երկու անգամ` Ապրիլ-Յունիս եւ Հոկտեմբեր-Դեկտեմբեր ամիսներուն: Զօրակոչի ենթակայ շարքային կազմին քանակը եւ զօրակոչի իրականացման ու կազմակերպման գործընթացը կը սահմանէ ՀՀ կառավարութիւնը:

Հանրապետական զօրակոչային յանձնաժողովը պիտի ղեկավարէ ՀՀ պաշտպանութեան նախարար Սէյրան Օհանեան:

LEAVE A REPLY

Please enter your comment!
Please enter your name here