ԱՊՀ Երկիրներու Նախարարները Յարգանքի Տուրք Մատուցեցին Հայոց Ցեղասպանութեան Զոհերու Յիշատակին

ԱՊՀ անդամ պետութիւններու կրթութեան նախարարներու գլխաւորած պատուիրակութիւնը Հոկտեմբեր 18-ին այցելած է Ծիծեռնակաբերդի բարձունք` ծաղիկներ եւ ծաղկեպսակ դնելու Հայոց Մեծ Եղեռնի զոհերու յիշատակի յուշարձանին: Այս մասին կը տեղեկացնէ Armenpress.am-ը:

Հայոց Ցեղասպանութեան թանգարան-հիմնարկին մէջ հիւրերը ծանօթացած են ցուցանմուշներուն եւ արձանագրութիւն կատարած տպաւորութիւններու մատեանին մէջ: «Ձեր ժողովուրդին կը մաղթենք բարգաւաճում: Թող ցաւն ու տառապանքները շրջանցեն Ձեր ժողովուրդը»,- նշուած է մատեանին մէջ:

ԱՊՀ անդամ պետութիւններէն միայն Ռուսաստանի Դաշնութեան Պետական դուման (խորհրդարանը) է, որ 1995-ին Հայոց Ցեղասպանութեան դատապարտման մասին յայտարարութիւն ընդունած է:

Նշենք, որ Հոկտեմբեր 18-19 Երեւանի մէջ պիտի կայանայ ԱՊՀ անդամ պետութիւններու կրթութեան նախարարներու 19-րդ համաժողովը եւ ԱՊՀ անդամ պետութիւններու կրթութեան ոլորտի աշխատողներու եւ ուսուցիչներու 2-րդ համագումարը, որոնց կը մասնակցի շուրջ 500 պատուիրակ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button